•  యువత రాజకీయాల్లో ఎదిగేలా ప్రోత్సహించాలని వేడుకోలు
• అందరినీ కలుస్తూ.. ఉంగరం గుర్తుకు ఓటేయాలని అభ్యర్థన

వేద న్యూస్, హన్మకొండ:
దేవునూరు గ్రామ సర్పంచ్ స్వతంత్ర అభ్యర్థి కొంగంటి సందీప్ ప్రచారంలో ముందుకెళ్తున్నారు. గ్రామ ప్రజలను అందరినీ కలుస్తూ.. ఉంగరం గుర్తుకు ఓటు వేయాలని ఆత్మీయంగా అభ్యర్థిస్తున్నారు.

యువత రాజకీయాల్లోకి రావాలని బలంగా ఆకాంక్షించే ప్రజలు, ఆ దిశగా అడుగులు వేస్తున్న తన వంటి వారిని ఆదరించి.. గెలిపించాలని కోరారు.

గ్రామ అభివృద్ధి, ప్రజల శ్రేయస్సే ధ్యేయంగా ముందుకు సాగుతున్న తనకు అండగా నిలిచి.. నిండుగా, మెండుగా ఆశీర్వదించాలని ప్రజలను సర్పంచ్ అభ్యర్థి కే సందీప్ వినమ్రపూర్వకంగా కోరుతున్నారు.

The post జనంలోకి యువనేత సందీప్..  స్వతంత్ర సర్పంచ్ అభ్యర్థి విస్తృత ప్రచారం appeared first on VEDHA NEWS.

•  మర్రిపల్లిగూడెం సమగ్ర అభివృద్ధిని కాంక్షిస్తూ.. హామీలు: అభ్యర్థి మమత

వేద న్యూస్, హుజూరాబాద్ ప్రతినిధి:
జనసేన పార్టీ బలపరిచిన మర్రిపల్లిగూడెం సర్పంచ్ అభ్యర్థి బుధవారం మేనిఫెస్టో విడుదల చేశారు. తనను సర్పంచ్‌గా గెలిపిస్తే ఐదేండ్ల పాలన కాలంలో చేయబోయే పనులను ప్రస్తావిస్తూ.. మేనిఫెస్టో రిలీజ్ చేశారు. మర్రిపల్లిగూడెం సమగ్ర అభివృద్ధిని కాంక్షిస్తూ.. 18 హామీలు ఇచ్చినట్టు వెల్లడించారు.

స్వర్గ రథం ఏర్పాటు, గ్రామ దేవతలు పునః ప్రతిష్టాపన, వినియోగంలోకి గ్రంథాలయం, వారసంత (అంగడి) ఏర్పాటు,ప్రతివీధికి పూర్తి స్థాయిలో లైటింగ్, డ్రైనేజి, సీసీ రోడ్ల నిర్మాణం, ప్రతి ఇంటికీ అకౌంట్, రూ.2 లక్షల ఇన్సూరెన్స్, ప్రతి వీధిలో చెత్త కుండీల ఏర్పాటు, గ్రామ పంచాయతీ సిబ్బందిలో ఒకరికి బాధ్యత, చెరువుల హద్దుల ఏర్పాటు, ఉపాధి హామీ పథకం కింద చెరువుల పూడిక తీత,……

ఎస్సారెస్పీ కెనాల్, చెరువు కట్టలు, వ్యవసాయ బావుల వద్దకు వెళ్లే దారుల వెంట ఉపాధి హామీ పథకం ద్వారా స్వచ్ఛత కార్యక్రమం నిర్వహణ, వీధి కుక్కలు, కోతుల బెడద లేకుండా చర్యలు, సమ్మక్క-సారక్క జాతర ఉత్సవాల్లో కమిటీదే పూర్తి అజమాయిషికి బాధ్యత,….

అర్హులకు మాత్రమే ‘డబుల్’ ఇండ్ల పంపిణీకి తొలి ప్రాధాన్యత, తూ.చ. తప్పకుండా గ్రామ సభ తీర్మాన ప్రతుల ఏర్పాటు (సభకు ముందుగానే కరపత్రాల ద్వారా ప్రతి గడపకు పంపిణీ),ప్రభుత్వ పథకాలను అర్హులైన లబ్ధిదారులకు పార్టీలకు అతీతంగా అందేలా చర్యలు, గ్రామ పంచాయితీ ఆదాయ వ్యయ వివరాలను ప్రతి గ్రామ సభలో ప్రవేశపెట్టడం, ప్రభుత్వ పాఠశాలలో విద్యార్థుల సంఖ్య పెంచడం, పాఠశాల అభివృద్ధికి మొదటి ప్రాధాన్యత, పల్లె దవాఖాన అప్‌గ్రేడేషన్ కోసం, నిరంతరం వైద్య సదుపాయల కోసం కృషి వంటి కీలక హామీలని ప్రస్తావించారు.

మర్రిపల్లిగూడెం గ్రామ ప్రజలు,మేధావులు, ఆలోచనపరులు, విజ్ఞులైన జనం కత్తెర గుర్తుకు ఓటేసి.. అభ్యర్థి మమతను సర్పంచ్‌గా గెలిపించాలని జనసైనికులు కోరుతున్నారు.
 

The post జనం మెచ్చేలా జనసేన సర్పంచ్ అభ్యర్థి మేనిఫెస్టో.. 18 హామీలతో విడుదల appeared first on VEDHA NEWS.

వేద న్యూస్, హన్మకొండ:

సర్పంచ్‌గా ప్రతి నెల వచ్చే రూ.6,500 .. మొత్తం గ్రామపంచాయతీ అభివృద్ధి కే ఖర్చు చేస్తానని సర్పంచ్ అభ్యర్థి కే సందీప్ హామీ ఇచ్చారు. ఈ మేరకు ఆయన బాండ్ పేపర్ పై సోమవారం వెల్లడించారు. దీంతోపాటు పలు హామీలను ఆయన దే వు నూరు గ్రామస్తులకు తెలిపారు.

“సర్పంచ్‌గా గెలిచిన తర్వాత సర్పంచ్‌కి వచ్చే జీతం ప్రతి రూపాయి గ్రామ అభివృద్ధి కోసమే ఖర్చు చేస్తాను. దేవునూర్ గ్రామంలో ఇండ్లు లేని నిరుపేదల కోసం కేటాయించిన భూమిని అర్హులైన ప్రతి పేదవారికి పంపిణీచేస్తాను.

గ్రామంలోని వీధిలైట్లు, డ్రైనేజ్, మంచినీరు ప్రతి ఒక్క ఇంటికిఅందేలా చూస్తాను. గ్రామ అభివృద్ధికి సర్కారు నుంచి వచ్చే నిధులకు సంబంధించిన పైసలను నెలనెలా నోటీస్ బోర్డ్‌పై పెట్టి ప్రజల అభిప్రాయంసేకరించి.. గ్రామ అభివృద్ధి పనులను చేస్తాను.

ప్రజల అభిప్రాయంతోనే అభివృద్ధి పనులు చేస్తానని వాగ్దానం చేస్తున్నాను.

గ్రామంలో విద్యార్థుల సౌకర్యార్ధం గ్రంథాలయం ఏర్పాటు చేస్తాను.ప్రాథమిక ఆరోగ్య కేంద్రం సబ్సెంటర్ ఏర్పాటు చేస్తాను. అంగన్‌వాడీ కేంద్రానికి పిల్లలకు సరిపోయేలాఅదనంగా రూములు ఏర్పాటు చేస్తాను. గ్రామ అభివృద్ధికి మీ అందరి సహాయసహకారంతో ముందుండి సేవకుడినై ముందుకు నడిపిస్తాను.” అని వెల్లడించారు.

ప్రజలు తమ అమూల్యమైన ఓటు వేసి తనను సర్పంచ్ గా గెలిపించవల్సిందిగా సందీప్ కోరారు.  ఇనుపరాతి గుట్టలను ‘ఎకోటూరిజం హబ్’గా మార్చే ప్రయత్నంలో గ్రామ ప్రథమ పౌరుడిగా పూర్తి సహకారం అందిస్తానని, ధర్మసాగర్ రిజర్వాయర్ గేట్ల ద్వారా వచ్చే నీటి ప్రవాహం వల్ల రైతులకు కలుగు నష్టాన్ని శాశ్వత పరిష్కార దిశగా కృషి చేస్తానని, యాకూబ్ అలీషా వద్ద కొత్త బ్రిడ్జి నిర్మాణానికి కృషి చేస్తానని తెలిపారు. సీరియల్ నం.1పై ఉంగరం గుర్తుకు ఓటేయాలని అభ్యర్థించారు. 

The post ఎకోటూరిజం హబ్‌గా ఇనుపరాతి గుట్టలు..: దేవునూరు సర్పంచ్ అభ్యర్థి సందీప్ హామీలు appeared first on VEDHA NEWS.

వేద న్యూస్, హనుమకొండ:

సర్పంచిగా ప్రతి నెల వచ్చే రూ.6,500 .. మొత్తం గ్రామపంచాయతీ అభివృద్ధి కే ఖర్చు చేస్తానని సర్పంచ్ అభ్యర్థి కే సందీప్ హామీ ఇచ్చారు. ఈ మేరకు ఆయన బాండ్ పేపర్ పై వెల్లడించారు. దీంతోపాటు పలు హామీలను ఆయన దే వు నూరు గ్రామస్తులకు తెలిపారు.

“సర్పంచ్‌గా గెలిచిన తర్వాత సర్పంచ్‌కి వచ్చే జీతం ప్రతి రూపాయి గ్రామ అభివృద్ధి కోసమే ఖర్చు చేస్తాను. దేవునూర్ గ్రామంలో ఇండ్లు లేని నిరుపేదల కోసం కేటాయించిన భూమిని అర్హులైన ప్రతి పేదవారికి పంపిణీచేస్తాను.

గ్రామంలోని వీధిలైట్లు, డ్రైనేజ్, మంచినీరు ప్రతి ఒక్క ఇంటికిఅందేలా చూస్తాను. గ్రామ అభివృద్ధికి సర్కారు నుంచి వచ్చే నిధులకు సంబంధించిన పైసలను నెలనెలా నోటీస్ బోర్డ్‌పై పెట్టి ప్రజల అభిప్రాయంసేకరించి.. గ్రామ అభివృద్ధి పనులను చేస్తాను.

ప్రజల అభిప్రాయంతోనే అభివృద్ధి పనులు చేస్తానని వాగ్దానం చేస్తున్నాను.

గ్రామంలో విద్యార్థుల సౌకర్యార్ధం గ్రంథాలయం ఏర్పాటు చేస్తాను.ప్రాథమిక ఆరోగ్య కేంద్రం సబ్సెంటర్ ఏర్పాటు చేస్తాను. అంగన్‌వాడీ కేంద్రానికి పిల్లలకు సరిపోయేలాఅదనంగా రూములు ఏర్పాటు చేస్తాను. గ్రామ అభివృద్ధికి మీ అందరి సహాయసహకారంతో ముందుండి సేవకుడినై ముందుకు నడిపిస్తాను.” అని వెల్లడించారు.

ప్రజలు తమ అమూల్యమైన ఓటు వేసి తనను సర్పంచ్  గా గెలిపించవల్సిందిగా సందీప్ కోరారు.

The post “సర్పంచ్” జీతం వద్దు.. ప్రతి పైసా గ్రామ అభివృద్ధికే ఖర్చు చేస్తా: అభ్యర్థి సందీప్ appeared first on VEDHA NEWS.

వేద న్యూస్, టేక్మాల్ :

మెదక్ జిల్లా టేక్మాల్ మండల్ పరిధిలోని ప్రత్యేక షాబాద్ లంబాడి గ్రామ పంచాయతీ కాంగ్రెస్ బలపరిచిన సర్పంచ్ అభ్యర్థి ఎం.రాజు నాయక్  ప్రజల వద్దకు వెళ్తున్నారు. తనను ఆశీర్వదించి .. సర్పంచ్ గా అవకాశమిస్తే గ్రామాన్ని అభివృద్ధి పథంలో ముందుకు తీసుకెళ్తానని చెప్పారు. 

గురువారం ఉదయం గ్రామపంచాయతీ కార్యాలయంలో నామినేషన్ స్వీకరణ కేంద్రంలో 
నామినేషన్ దాఖలు చేశారు.

అనంతరం ఆయన మాట్లాడుతూ.. గ్రామంలో డ్రైనేజీలు, వీధి లైట్లు, విద్య వైద్యం పై ప్రత్యేక దృష్టి పెడతానని పేర్కొన్నారు. గ్రామంలో నెలకొన్న సమస్యలపై దృష్టి సారిస్తానన్నారు. బడుగు, బలహీన వర్గాల ప్రజలను ఆదుకుంటానని చెప్పారు.

ఏ ఒక్కరికి సంక్షేమ పథకాలు అందకపోయినా ప్రభుత్వం దృష్టికి తీసుకుపోయి వెంటనే పరిష్కరిస్తానని తెలిపారు. తనను ఆశీర్వదించి భారీ మెజారిటీతో గెలిపించాలని ఈ సందర్భంగా ఆయన ప్రజలను  కోరారు . నామినేషన్ కార్యక్రమంలో  కార్యకర్తలు సురేష్, సేవాలాల్, నిల్యా, విట్టల్, చందర్, సుభాష్, రాజు, బాబు, వస్రం మొత్య తదితరులు పాల్గొన్నారు.

The post ఆశీర్వదించి.. అవకాశమిస్తే అభివృద్ధి పథంలో ముందుకు తీసుకెళ్తా: సర్పంచ్ అభ్యర్థి రాజు appeared first on VEDHA NEWS.

• గ్రామాలు అభివృద్ధి జరగాలంటే బీజేపీ అభ్యర్థులనే గెలిపించాలి
• బీజేపీ జిల్లా అధ్యక్షుడు రెడ్డవేణి గోపి

వేద న్యూస్,బోయినిపల్లి:

రాజన్న సిరిసిల్ల జిల్లా, బోయినిపల్లి మండల కేంద్రంలో బీజేపీ మండల శాఖ ఆధ్వర్యంలో శనివారం స్థానిక సంస్థల ఎన్నికల నేపథ్యంలో మీడియా సమావేశం నిర్వహించారు. సమావేశానికి బీజేపీ రాజన్న సిరిసిల్ల జిల్లా అధ్యక్షులు రెడ్డవేణి గోపి ముఖ్య అతిథిగా హాజరయ్యారు.

ఈ సందర్భంగా గోపి మాట్లాడుతూ, గ్రామాల అభివృద్ధికి అవసరమైన నిధులు కేంద్రం నుంచే వస్తున్నాయని, ఉజ్వల గ్యాస్, రేషన్ బియ్యం, నరేగా పనులు, పీఎంజిఎస్వై రోడ్లు, వీధి దీపాలు తదితర అభివృద్ధి కార్యక్రమాలు కేంద్ర నిధులతోనే సాధ్యమయ్యాయని తెలిపారు.

కేంద్ర హెూంశాఖ సహాయ మంత్రి బండి సంజయ్ సీఆర్ఎఎఫ్ నిధులతో రోడ్ల విస్తరణకు కోట్ల రూపాయలు మంజూరు చేసినట్లు పేర్కొన్నారు. కాంగ్రెస్, బీఆర్ఎస్ హామీల పై నమ్మకం పెట్టవద్దని, బీజేపీ మద్దతు సర్పంచ్ అభ్యర్థులు గెలిస్తే గ్రామానికి రూ.10 లక్షల చొప్పున ప్రోత్సాహక నిధులు అందిస్తామని హామీని పునరుద్ఘాటించారు.

కార్యక్రమంలో మండల అధ్యక్షులు ఎడపల్లి పరశురాం, మండల ఇన్చార్జ్ దుబాల శ్రీనివాస్, జిల్లా కౌన్సిల్ సభ్యులు ఉదారి నరసింహ చారి, మాజీ మండలాధ్యక్షులు గుడి రవీందర్ రెడ్డి, సీనియర్ నాయకులు క్యాతం తిరుపతిరెడ్డి, బొంగోని అశోక్ గౌడ్, జువ్వెంతుల శ్రీనివాస్ రెడ్డి, కొండమ్ శ్రీనివాస్ రెడ్డి, పాలోజు రాజేంద్రప్రసాద్, సుంకపాక ప్రభు, సారంపల్లి రాజు, అమీరిశెట్టి గంగయ్య, స్వామి కుమార్, అలాగే సూదుల సాయికుమార్, రమేష్, ధర్మేంద్ర, వినోద్, అనిల్, అజయ్ తదితరులు పాల్గొన్నారు.

The post కాంగ్రెస్, బిఆర్ఎస్ పార్టీల హామీలను నమ్మొద్దు appeared first on VEDHA NEWS.

వేద న్యూస్, ఇబ్రహీంపట్నం:

ఇబ్రహీంపట్నం మండలం వర్షకొండ గ్రామంలో స్థానిక ఎలక్షన్ సందర్బంగా వర్షకొండ గ్రామపంచాయతీ కార్యాలయంలో శనివారం గ్రామపంచాయతీ సర్పంచ్ గా పొనకంటి చిన్న వేంకట్ నామినేషన్ వేశారు.

ఈ సందర్బంగా అయన మాట్లాడుతూ వర్షకొండ గ్రామ ప్రజలకు ఎల్లవేళలా అందుబాటులో ఉంటూ బడుగు బలహీన వర్గాల అభివృద్ధికి తోడ్పాడుతూ నిరంతరం ప్రజల మధ్యలో తిరుగుతూ ప్రజల బాగోగులు తెలుసుకుంటూ వారి సమస్యల పరిష్కారనికి కృషి చేస్తానని తెలియజేసారు.

ప్రభుత్వం నుండి అందే సంక్షేమ పథకాలను ప్రతి ఒక్కరికి చేరేలా కృషి చేస్తానని వెంకట్, పేర్కొన్నారు.పెన్షన్లు రేషన్ కార్డులు ఇందిరమ్మ ఇండ్లు అర్హులైన నిరుపేదలకు అందేలా పోరాడుతానని చెప్పారు.

వర్షకొండ గ్రామ ప్రజలకు సేవ చేయాలనే ద్వేయంతో సర్పంచ్ పదవికికి పోటి చేస్తున్న అని తెలిపారు. గ్రామ అభివృద్ధి సామాన్య ప్రజల సమస్యల పరిష్కారం ఇవే తన ప్రాధాన్యతలు అని పేర్కొన్నారు.

గ్రామాన్ని అభివృద్ధి పథంలో ఉంచుతానని, గ్రామ ప్రజలను ఆశీర్వాదం కోరారు. ఈ కార్యక్రమంలో వార్డ్ మెంబర్లు కార్యకర్తలు తదితరులు పాల్గొన్నారు.

The post ఆశీర్వదించండి.. అభివృద్ధి చేస్తా:పొనకంటి చిన్న వెంకట్ appeared first on VEDHA NEWS.

• ఎమ్మెల్సీ మల్క కొమరయ్య

వేద న్యూస్, హైదరాబాద్: 

జూబ్లీహిల్స్‌ ఉపఎన్నికల్లో ఓటుతో కాంగ్రెస్‌కు బుద్ధి చెప్పాలని ఎమ్మెల్సీ మల్క కొమరయ్య పిలుపునిచ్చారు. నవంబర్‌ 11న జరగనున్న ఉపఎన్నిక తెలంగాణ భవిష్యత్తును నిర్ణయించబోతోందని ఆయన పేర్కొన్నారు.

జూబ్లీహిల్స్‌ నియోజకవర్గంలోని రహమత్‌నగర్‌లో జరిగిన ప్రచార పాదయాత్రలో మాజీ ఎంపీ బూర నర్సయ్య గౌడ్‌తో కలిసి పాల్గొన్న మల్క కొమరయ్య, ప్రతి గడపకు వెళ్లి కమలం గుర్తుకు ఓటు వేయాలని ప్రజలను కోరారు.

“బీజేపీ ప్రచార కరపత్రాలను పంచుతూ ప్రజలకు ఇప్పుడు కాంగ్రెస్‌పై విశ్వాసం లేదు. బీఆర్ఎస్‌పై నమ్మకం పోయింది. జూబ్లీహిల్స్ ప్రజలు బీజేపీ వైపు చూస్తున్నారు. కమలం గుర్తుకు ఓటు వేస్తేనే తెలంగాణలో మార్పు ప్రారంభమవుతుంది. కాంగ్రెస్ ప్రభుత్వం ప్రజలను మోసం చేసింది. ఎన్నికల ముందు హామీలు ఇచ్చి, ఎన్నికల తర్వాత వెనక్కు తగ్గింది అని మండిపడ్డారు.మహిళలకు నెలకు రూ.2500, వృద్ధులకు రూ.4000 పెన్షన్ ఇస్తామని హామీ ఇచ్చిన కాంగ్రెస్ ఇప్పుడు ఆ హామీలను గాలికి వదిలేసింది. రైతులు, మహిళలు, వృద్ధులు, యువత అందరూ కాంగ్రెస్ పాలనలో మోసపోతున్నారు. ఈ అన్యాయానికి బుద్ధి చెప్పేది ఓటే. నవంబర్‌ 11న మీ ఓటుతో కాంగ్రెస్‌కు గుణపాఠం చెప్పండి “అని పిలుపునిచ్చారు.

కాంగ్రెస్ నేతల మాటలు ఆకాశమంత పెద్దవి, కానీ చేతలు మాత్రం గడప దాటడం లేదు. ప్రజలకు సేవ చేస్తామని గెలిచినవారు ఇప్పుడు ప్రజలను మోసం చేస్తున్నారు. ప్రజల విశ్వాసాన్ని తుంగలో తొక్కారు. బీఆర్ఎస్‌, కాంగ్రెస్‌ ఒకే నాణానికి రెండు వైపులుగా మారాయి. బీఆర్ఎస్‌ కాంగ్రెస్‌ బీ టీమ్‌గా పని చేస్తోంది అని వ్యాఖ్యానించారు. బీఆర్ఎస్‌ పార్టీ ఇంట్లోనే సర్దుకోలేని వారు రాష్ట్రాన్ని ఎలా సరిదిద్దగలరు. అల్లుడు ఒక దిక్కు, కూతురు ఒక దిక్కు, కొడుకు ఇంకో దిక్కు. గత పదేళ్లలో బీఆర్ఎస్ రాష్ట్రాన్ని అప్పుల బారిన పడేసింది. ప్రజలు ఇప్పుడు బీజేపీ వైపు చూస్తున్నారు అని అన్నారు. జూబ్లీహిల్స్‌ ప్రజల చూపు ఇప్పుడు బీజేపీ అభ్యర్థి లంకల దీపక్ రెడ్డి వైపే ఉందన్నారు. కమలం గుర్తుకు ఓటు వేసి బీజేపీని గెలిపించడం ద్వారా తెలంగాణలో నిజమైన ప్రజాపాలనకు నాంది పలుకుదాం అని మల్క కొమరయ్య పిలుపునిచ్చారు.

ఈ కార్యక్రమంలో డివిజన్ బీజేపీ అధ్యక్షుడు లక్ష్మణ్‌, ఇన్‌చార్జ్‌ బంగారు శృతి, స్థానిక నాయకులు, కార్యకర్తలు, అభిమానులు, ప్రజలు భారీగా పాల్గొన్నారు.

The post జూబ్లీహిల్స్ ఉపఎన్నికల్లో బీజేపీ గెలుపే ప్రజల గెలుపు  appeared first on VEDHA NEWS.

మరిపెడ మున్సిపల్ పరిధిలోని మరిపెడ ఉన్నత పాఠశాలలో శ్రీ సాయిరాం ఇండేన్ గ్యాస్ సంస్థ వారు విద్యార్థినీ విద్యార్థులకు, ఉపాధ్యాయ బృందానికి గ్యాస్ ప్రమాదాలు జరగకుండా ఉండడానికి అవగాహన కార్యక్రమం చేపట్టారు.

వంట గదిలో కిరోసిన్, పెట్రోల్ లాంటి విస్ఫోటనం చెందే పదార్థాలు ఉంచకూడదని చెప్పారు. వంట చేయడము పూర్తవగానే రెగ్యులేటర్ ఆఫ్ చేసి పెట్టాలని సూచించారు. వంట చేసే సమయంలో సెల్ ఫోన్ వినియోగించకూడదని తెలిపారు.

ఊరికి వెళ్లేటప్పుడు రెగ్యులేటర్ ఆఫ్ చేసుకోవాలన్నారు. సిలిండర్ తీసుకున్నప్పుడు ఎక్స్‌పైరీ  డేట్ చెక్ చేసుకోవాలని వెల్లడించారు. అందులో గ్రూప్ ఏ అనగా జనవరి, ఫిబ్రవరి, మార్చ్, గ్రూప్ బి అనగా ఏప్రిల్, మే, జూన్, గ్రూప్ సి, అనగా జులై, ఆగస్టు సెప్టెంబర్, గ్రూప్ డి అనగా అక్టోబర్, నవంబర్, డిసెంబర్ నెలలో ఉపయోగించాల్సిన తేదీలుగా అర్థం చేసుకోవాలని వివరించారు.

వంటగదిలో గ్యాస్ వాసన వచ్చినప్పుడు క్యాపు పెట్టి ఉంచి, గ్యాస్ స్ప్రెడ్ కాకుండా ఉంచి, గ్యాస్ సంస్థ వారికి సమాచారం అందజేయాలని సూచించారు. గ్యాస్ స్టవ్ వెలిగించే సమయంలో మంటలు వచ్చి ప్రమాదం జరిగినట్లయితే, గ్యాస్ బండపై తడిపిన గోనె సంచి వేసి మంటలు ఆర్పేయాలని పేర్కొన్నారు.

కార్యక్రమంలో ప్రధానోపాధ్యాయులు అనంతరావు మాట్లాడుతూ వినియోగదారులకు గ్యాస్ ఉపయోగించడం పై అవగాహన సదస్సు ఎంతో ఉపయోగకరంగా ఉన్నదని పేర్కొన్నారు. పాఠశాల స్టాఫ్ సెక్రెటరీ బయగాని రామ్మోహన్ మాట్లాడుతూ విద్యార్థినీ విద్యార్థులు ఈ విషయాలన్నీ పాటిస్తూ, తల్లిదండ్రులకు కూడా అవగాహన కల్పించాలని సూచించారు.

సమావేశంలో ఇండేన్ గ్యాస్ ప్రొప్రైటర్ పోలోజు సురేష్, శ్రీ సాయిరామ్ ఇండేన్ గ్యాస్ షోరూం స్టాఫ్ వెంకటేశ్, శ్రీకాంత్, నవీన్, మహబూబ్, ఉపాధ్యాయ బృందం, విద్యార్థిని విద్యార్థులు పాల్గొన్నారు.

The post మరిపెడ జెడ్పీహెచ్‌ఎస్‌లో గ్యాస్ సేఫ్టీ‌పై అవగాహన appeared first on VEDHA NEWS.