వేద న్యూస్, వరంగల్:
కాటారం మండలకేంద్రంలో గురువారం బీజేపీ మండల అధ్యక్షుడు బండం మల్లారెడ్డి ఆధ్వర్యంలో ఆ పార్టీ రాష్ట్ర నాయకుడు చల్లా నారాయణ రెడ్డి జన్మదిన వేడుకలు నాయకులు, కార్యకర్తలు ఘనంగా నిర్వహించారు. అంబేడ్కర్ సెంటర్ లో కేక్ కట్ చేసి, పలువురికి అరటి పండ్లు పంపిణీ చేశారు.
బీజేపీ నాయకులు ఈ సందర్భంగా మాట్లాడుతూ బీజేపీ బలోపేతానికి నారాయణరెడ్డి కృషి చేస్తున్నారని తెలిపారు. ఆయన పార్టీలో మరింత ఉన్నతస్థాయికి ఎదగాలని ఆకాంక్షిస్తున్నట్టు వెల్లడించారు. జన్మదిన వేడుకల్లో బీజేపీ నాయకులు, కార్యకర్తలు, యూత్ సభ్యులు పాల్గొన్నారు.