ఆక్రమణలపై కొరడా ఝళిపించిన వరంగల్ బల్దియా, రెవెన్యూ అధికారులు

వేద న్యూస్, వరంగల్ టౌన్ :

గ్రేటర్ వరంగల్ లోని పలు ఆక్రమణలపై రెవెన్యూ, బల్దియా అధికారులు కొరడా ఝుళిపించారు. శనివారం నగర పరిధి లోని పలు ప్రాంతాల్లో ఆక్రమణ లను తొలగించారు. బల్దియా పరిధి 42 వ డివిజన్ వరంగల్ నాయుడు పెట్రోల్ పంప్ సమీపంలో గల ఖిలా వరంగల్ మండల రెవిన్యూ పరిధి 140 సర్వే నంబర్ పుల్లయ్య కుంట ప్రభుత్వ భూమిలో అక్రమంగా నిర్మించిన ఏసి షెడ్, గోడలను రెవెన్యూ, పోలీస్ అధికారులు కూల్చివేశారు.

గ్రేటర్ వరంగల్ లోని 11వ డివిజన్ ములుగు రోడ్ కాపువాడ లో సిల్ట్ ఫోర్ ప్లస్ అనుమతులు పొంది నిబంధనలకు విరుద్ధం గా పెంట్ హౌజ్ , సిల్ట్ లో ఆక్రమణ లు చేసి నిర్మించిన కట్టడానలను బల్దియా టౌన్ ప్లానింగ్, డి ఆర్ ఎఫ్ సిబ్బంది సంయుక్తం గా కూల్చివేశారు. ఈ కార్యక్రమం లో రెవెన్యూ , పోలీస్, టౌన్ ప్లానింగ్, డి ఆర్ ఎఫ్
అధికారులు, సిబ్బంది తదితరులు పాల్గొన్నారు.