డాక్టర్లు మందుల చిట్టీలో ‘R’ ఎందుకు రాస్తారు? వైద్యుల సింబల్‌లో నాగుపాము.. ఎందుకో తెలుసా?

ప్రతీ ఒక్కరూ ఏదైనా అనారోగ్య సమస్య వచ్చిందంటే చాలు.. తప్పనిసరిగా డాక్టర్ వద్దకు వెళ్లాల్సిందే. ఆ సందర్భంలో వైద్యుడు .. పేషెంట్లను వారి సమస్య గురించి అడిగి.. మందుల చిట్టీ(ప్రిస్క్రిప్షన్)పైన ఆర్ అనే ఆంగ్ల ఆక్షరం రాసిన తర్వాతనే మందులు, సిరప్ లు రాస్తుండటం మనం గమనించొచ్చు.

డాక్టర్లు మందులు రాయడం ప్రారంభించే ముందు  ‘‘℞ లేదా R’’ అని రాస్తారు. ఇది లాటిన్ భాషలో ఉన్న పదం “రెసిపీ’’ నుంచి వచ్చింది. దాని అర్థం “తీసుకోండి” అని, లేదా “వాటిని తీసుకోవాలని రోగికి సూచన”. “ఇక్కడ నుంచి నేను రాస్తున్న మందులు అన్నీ పేషెంట్ తీసుకోవాలి.” అని స్పష్టంగా చెబుతున్నట్టు మీనింగ్. ఈ నేపథ్యంలోనే ప్రపంచమంతా ప్రిస్క్రిప్షన్ ఇలా ℞ తో ప్రారంభమవుతుంది.

వైద్య చిహ్నంలో పాము ను ఎందుకు వాడుతున్నారంటే.. పాముకు తన చర్మం మార్చుకునే గుణం ఉంది , అలాగే పాములో విషం కూడా ఉంది, చిన్న మోతాదులో ఔషధం లా పనిచేస్తుంది. పాతకాలంలో పాము విషాన్ని మందుల తయారీలో ఉపయోగించేవారు.. అందుకే పామును ఆరోగ్యం, చికిత్సకు చిహ్నంగా వాడుతున్నారని పలువురు పేర్కొంటున్నారు.  ఆర్ అనగా రెసిపీ“ఇక్కడ నుండి మందులు తీసుకోండి” అని అర్థం కాగా, ఒక పాము ఉన్న దండ ..‘‘ అసలు వైద్య చిహ్నం (అస్క్లిపియస్), రెండు పాములు ఉన్న దండ (కాడ్యుసెస్).