•  చైనా మాంజ ప్రమాదాల నుండి పశుపక్ష్యాదుల, మానవులను కాపాడుకుందాం
• చైనా మాంజ ప్రమాదకారత – మానవులు, వన్యప్రాణులపై దాని ప్రభావం

 చైనా మాంజ గ్లాస్ పొడితో కోటెడ్ ఉక్కు దారం, అతికోత ఆయుధంలా ఉంటుంది. అది ప్రమాదకరమైనది. ఎన్సి ఆర్బి  డేటా ప్రకారం, 2020-2025 మధ్య పతంగి సంబంధిత ప్రమాదాలు 45% పెరిగాయి, వీటిలో 70% చైనా మాంజ వల్ల. మానవులకు స్వరం, చేతులు, మెడ తెగడం వంటి గాయాలు సంభవిస్తున్నాయి.

వైల్డ్‌లైఫ్‌పై ప్రభావం భయంకరం..

పక్షులు (కబుతరాలు, కాకులు), జంతువులు (పిల్లలు, చిన్న క్షీరదాలు) దారంలో తడబడి రెక్కలు, చవుళ్లు, చివరగా శరీర భాగాలు తెగిపోతున్నాయి. తెలంగాణ అటవీ శాఖ సర్వేలు: సంక్రాంతి సమయంలో 600+ పక్షులు, 100+ జంతువుల మరణాలు; ఇది బయోడైవర్సిటీకి 20-30% నష్టం కలిగిస్తోంది.

తెలంగాణలోని వరంగల్ జిల్లా వర్ధన్నపేటలో సంక్రాంతి పండుగ రోజు చైనా గ్లాస్ కోటెడ్ మాంజ దారం వల్ల మంగళవారం జరిగిన దుర్ఘటన తెలంగాణలో అందరినీ కలచివేసింది. బైక్‌పై వెళ్తున్న వ్యక్తి స్వరం తెగిపోవడంతో ప్రాణాపాయ స్థితిలో (హాస్పిటల్ లో) ఉండటం ఈ పాత్చాత్య ప్రేరేపిత మాంజ ప్రమాదాల స్వభావాన్ని తెలియజేస్తోంది. దేశవ్యాప్తంగా చైనా మాంజ వల్ల గత 5 సంవత్సరాల్లో వేలాది ప్రమాదాలు, మరణాలు జరిగాయి—ఉదాహరణకు, తెలంగాణలో 200+ ప్రమాదాలు, 15 మరణాలు నమోదయ్యాయి.

గాలిపటాలు ఎగురుతుండగా కేరింతల్లో కానక పిల్లల మరణాలు ఎన్నెన్నో:

తల్లితండ్రుల పర్యవేక్షణలో, అదుపులో ఎగురావేయాల్సిన పతంగులు, ఒక్కొక్క సారి గాలిపఠాలు ఎగురావేస్తూ, గాలిపటాలను తెంపిన పైషాచిక ఆనందంలో మైమరచి కొందరు, మత్తులో కొందరు కాలువల్లో, చెరువుల్సల్లో, జనావాసాల్లో ఇండ్లపైనుండి, ధాబాలపైనుండి వెనకా ముందు చూసుకోలేని జోషులో అడుగులు తడబడి, జారి పడి ఎన్నో ప్రాణాలు గాలిలో, నీటిలో, మట్టిలో కలిసిపోతున్నాయి. ఎందరోతల్లితండ్రులకు, భార్య పిల్లలకు శోకం మిగులుస్తున్నారు. ఇది అందరం కలిసి అవలోకణం చేసుకొని గ్రహించుకోవలసిన అవసరం ఎంతైనా ఉన్నది.

వైల్డ్‌లైఫ్ ప్రొటెక్షన్ యాక్ట్ 1972 – పక్షులు-జంతువులకు లోతైన చట్ట వివరాలు:

పక్షులు, జంతువులకు శరీర భాగాలు తెగడం వైల్డ్‌లైఫ్ (ప్రొటెక్షన్) యాక్ట్, 1972 కింద తీవ్ర నేరం. సెక్షన్ 9: షెడ్యూల్ I-IV పక్షులు (కబుతరాలు-షెడ్యూల్ IV), జంతువులకు హాని చేయడం పూర్తి నిషేధం. సెక్షన్ 51(1): మొదటి నేరం—3 సంవత్సరాల జైలు + ₹10,000 జరిమానా; పునరావృత్తి—3-7 సంవత్సరాలు + ₹25,000. సెక్షన్ 50: అటవీ అధికారులకు సెర్చ్, సీజ్ పవర్స్. తెలంగాణలో 2025లో 75+ కేసులు నమోదు, 20 మంది శిక్షించబడ్డారు. CrPC సెక్షన్ 51 ప్రకారం పోస్ట్‌మార్టం రిపోర్ట్‌తో రుజువు చేసి కోర్టులో ఫైలింగ్. ఇతర చట్టాలు: IPC సెక్షన్ 429 (జంతువు హత్య: 5 సంవత్సరాల జైలు + జరిమానా), ప్రివెన్షన్ అఫ్ కృ యాలిటీ టూ ఆనిమల్స్ యాక్ట్, 1960 సెక్షన్ 11 (పీడ శిక్ష: 3 నెలల జైలు + ₹50-200 జరిమానా; పునరావృత్తి—6 నెలలు).

మానవ ప్రమాదాలకు IPC & ఇతర చట్టాలు – శిక్షల వివరాలు: మానవులకు గాయాలు కలిగించిన చైనా మాంజ IPC సెక్షన్ 336 (ప్రమాదకరమైన చర్య: 6 నెలల జైలు + ₹500 జరిమానా), సెక్షన్ 337 (గాయాలు: 6 నెలలు-2 సంవత్సరాలు) కింద నేరం. మరణం జరిగితే సెక్షన్ 304ఏ (అవిధేయంగా మరణం: 2 సంవత్సరాలు). దిగుమతి/అమ్మకం కస్టమ్స్ యాక్ట్ 1962 సెక్షన్ 111-112 కింద నిషేధం—స్వభావం + జరిమానా (మాల్ విలువ 3 రెట్లు). తెలంగాణ పోలీస్: 2026 సంక్రాంతిలో 200+ కేసులు, 120 అరెస్టులు. సుప్రీం కోర్టు 2022 ఆదేశాలు: పూర్తి నిషేధం, రాష్ట్రాలకు అమలు బాధ్యత.

పోలీస్ & అటవీ శాఖ చర్యలు – తనిఖీలు, కేసుల డేటా:

తెలంగాణ పోలీసు, అటవీ విజిలెన్స్ స్క్వాడ్ రాష్ట్రవ్యాప్తంగా మెరుపుదాడులు: హైదరాబాద్, వరంగల్, కరీంనగర్‌లో 50+ షాపులపై దాడులు, 5 టన్నుల మాంజ స్వభావం. 2026లో 250+ మొత్తం కేసులు (150 మానవ, 100 వైల్డ్‌లైఫ్). అరెస్టులు: 150 మంది, శిక్షలు: 40 మందికి (సగం జైలు + జరిమానా) పడ్డాయి.

సాంప్రదాయాలు వర్సెస్ చైనా మాంజ – పోలిక, పరిష్కారాలు:

పర్యావరణహిత, సాంప్రదాయ మాంజలు (పత్తి, కాటన్ దారాలు) సురక్షితం, పర్యావరణ స్నేహపూర్వకం—ప్రమాదాలు 95% తగ్గుతాయి. చైనా మాంజ చైనా దిగుమతి, సోషల్ మీడియా వ్యాప్తి వల్ల ప్రమాదాలు పెరిగాయి. పరిష్కారాలు: సహజ మాంజ ప్రమోషన్, అవగాహన క్యాంపెయిన్లు, పోలీస్ హెల్ప్‌లైన్ 100/1090, నిషేధిత చైనా మాంజను అమ్ముతున్న, కొంటున్నా, ఎగురవేస్తున్నా, నిలువ చేసిన, సరఫరాచేస్తున్నా ఎవరైనా ఆర్టికల్ 51ఎ /జి ప్రకారం భారత పౌరల యొక్క ప్రాథమికవిధిగా అటవీ శాఖ టోల్ ఫ్రీగా నెంబర్: 1800 4255 364 (ఫారెస్ట్ వైల్డ్ లైఫ్ క్రైమ్ కంట్రోల్,24/7) కాల్ చేసి రిపోర్టింగ్ చేయాలి. ఇలా తెలిపిన వారి పేరు గొప్యంగా ఉంచబడుతుంది.

ప్రజలకు సూచనలు, విజ్ఞప్తి:

సురక్షిత సంక్రాంతి కోసం చైనా మాంజ పూర్తిగా నిషేధించండి, సాంప్రదాయ పద్ధతులు పాటించండి. పక్షుల రక్షణకు ఎత్తు తగ్గించండి, అక్రమాలు రిపోర్ట్ చేయండి. ఇలా చేస్తే మానవులు, వన్యప్రాణులు కాపాడబడతాయి, అందరు సామూహికంగా పండుగ సంతోషంగా జరుపుకోవడం జరుగుతుంది.

– రవి బాబు పిట్టల, మాజీ సహాయ ఆచార్యులు, జె.ఎన్.టి.యు.హెచ్, హైదరాబాద్, పర్యావరవేత్త, సంయుక్త కార్యదర్శి, ఓరుగల్లు వైల్డ్ లైఫ్ సొసైటీ (ఔల్స్), తెలంగాణ.

The post నిషేధిత చైనా మాంజను సామూహికంగా నిర్మూలిద్దాం appeared first on VEDHA NEWS.

• మనిషి కేంద్రంగా అభివృద్ధి సరికాదు–పర్యావరణ సమతుల్యతే మన భవిష్యత్తు
• ప్రకృతి రక్షణకు ప్రతిజ్ఞ–ప్రతి ప్రపంచ పౌరుడి బాధ్యత
• పర్యావరణ సమతుల్యత లేకపోతే–జీవం లేని అభివృద్ధి నిష్ప్రయోజనం
• సమగ్ర జీవావరణ వ్యవస్థలంటే–సజీవ, నిర్జీవ ఘటకాల పరస్పర చర్య
• ఆవరణ వ్యవస్థలకు విఘాతం–మానవ కృత్రిమ చర్యల పర్యవసానం
• పగడపు దిబ్బల నుండి భౌమ్యావరణం దాకా–ప్రమాదంలో అన్ని ఆవాసాలు
• మానవ-కేంద్రీకృత అభివృద్ధి–పర్యావరణానికి ముప్పు
• మానవ కృత్యాలతో పెరిగిన అసమతుల్యత–కనుమరుగవుతున్న జీవజాతులు
• బయో-జియో-కెమికల్ సైకిల్’పై వేగవంతమైన మార్పులు–ఆవాస క్షీణతకు కారణం
• జీవమనుగడపై పెను ప్రభావం–ఆహారపు గొలుసు నుండి ప్రత్యుత్పత్తి దాకా క్షీణత
• సుస్థిర అభివృద్ధి మార్గమే–జీవవైవిద్య స్థిరత్వం
• ఆవరణాల సుస్థిరతే ధ్యేయం–నిరోధక అభివృద్ధి ప్రయోజనకారి కాదు
• సూక్ష్మస్థాయి అవగాహన–ఆవాస రక్షణకు కార్యాచరణ ప్రణాళిక
• ప్రపంచ పౌరుల బాధ్యత–విశ్వమానవ ప్రయత్నంతోనే భౌమ్యావరణ ఆరోగ్యం
• నిస్వార్థ జీవనం–రేపటి భవిష్యత్తు కోసం
• కృత్రిమ జీవన ప్రయాణం–ముందుతరాల భవిష్యత్తును అంధకారంలోకి నెట్టడమే
• అవసరానికి మించిన వనరుల వాడుక–జీవవైవిధ్యానికి విఘాతం
• ప్రకృతి రక్షణ సిద్ధాంతం–ప్రతి జీవికి సమాన హక్కు అనే ఆలోచనతో ముందుకు
• ఆవరణ వ్యవస్థల ఆరోగ్యమే – జీవమనుగడకు యోగ్యం

పర్యావరణ వ్యవస్థలలో శిలావరణ వ్యవస్థ, వాయు ఆవరణ వ్యవస్థ (భౌమ్యావరణ వ్యవస్థ), జలావరణ వ్యవస్థ.. సముద్ర ఆవరణ వ్యవస్థలు అన్ని కలుపుకొని అన్ని జీవులకు అనుకూలమైన (మొక్కలకు, జంతువులకు (స్థూల, సూక్మజీవులు)) జీవావరణ వ్యవస్థ ఏర్పడుతుంది. ఈ వ్యవస్థలలో సజీవ, నిర్జీవ ఘటకాలు ఉండి పరస్పర చర్యలో ఏర్పడిన వ్యవస్థలుగా ఒక జీవావరణ వ్యవస్థ రూపుదిద్దుకుంటుంది.

 

ఆవరణ వ్యవస్థ అనేది జీవులు తమ పర్యావరణంతో బయోటిక్, అబియోటిక్ భాగాలు, పోషక చక్రాలు, శక్తి ప్రవాహాల ద్వారా కలిసి ఉంటాయి. ఈ వ్యవస్థలలో ఒకదానికొకటి సహకరించుకొని బలమైన ఆవరణ వ్యవస్థగా రూపుడిద్దుకొంటాయి.

సూక్ష్మంగా పరిశీలిస్తే పగడపు దిబ్బ పర్యావరణ వ్యవస్థలు అధిక ఉత్పాదక సముద్ర వ్యవస్థలు. ఎంతో గొప్ప జీవన అనుకూలనాలుగల ఈ భౌమ్యావరణం మానవుని కృత్రిమ చర్యల వలన తమ వివిధ ఆవరణ వ్యవస్థల గుణాలను, సహజ తత్వాన్ని కోల్పోతున్నాయి.

దీనివల్ల వివిధ ఆవరణ వ్యవస్థసలు జీవుల జీవనానికి ప్రతికులంగా మారి ఆవరణాల సుస్థిరతకు, జీవావరణ సమతుల్యానికి భంఘం వాటిల్లి జీవజాతుల మనుగడలేకుండా పోయి విలుప్తమవుతున్నాయి.

ఇలా జరుగకుండా ఉండాలంటే మానవుడు ఆవరణవ్యవస్థలను అర్ధంచేసుకొని వాటి మనుగడను కాపాడుకోవాలి. అప్పుడే అన్ని జీవులు వాటి ధర్మాన్ని నిర్వర్తించి జీవవైవిధ్యాన్ని కాపాడుకుంటాయి.

ఆవాసాల రక్షణ ప్రపంచ పౌరుల బాధ్యత:
ఆవాసాల సంరక్షణ అనేది ఒక అంతర్గత సమ్మేలిత చర్యలచే ప్రపంచ వ్యాప్తంగా విశ్వమానవ ప్రయత్నంగా అందరు కలిసి మాత్రమే చేపట్టవలసిన బాధ్యతతో కూడుకున్న పని. అప్పుడు మాత్రమే భౌమ్యావరణం ఆరోగ్యంగా ఉండి అన్నిజీవులకు సుస్థిరమైన జీవనాన్ని ఇవ్వగలవు. ఇందుకోసమే ప్రపంచమే వేదికలు అనేకదేశాల కలయిక కూటములు ఏర్పాటు చేసుకొని రకరకాలైన పర్యావరణ సమస్యల మీద ఎన్నో ప్రణాళికలు, పరిశోధనలు జరుపుతూ పరిష్కారం మార్గ రచనలు, కార్యాచరణ కార్యక్రమాలు చేపడుతున్నారు.

అనేక ఆవరణాలలో సమస్యలను గుర్తించి వాటికిపరిష్కార మార్గాలాను కనుగొని కార్యరూపం ఇస్తున్నారు. అయితే ఈ సందర్భంలో ఆవాస రక్షణకై స్వీయ, సామాన్య ప్రజల, ప్రభుత్వాల, అధికారుల, శాస్త్రజ్ఞ్యుల, పరిశోధకుల, స్వచ్చంద సంస్థల దశ, దిశా ప్రతీది అర్ధం చేసుకొని ముందుకెళ్లే కార్యాచరణ, శాస్త్ర, సాంకేతికత అభివృద్ధి అంటూ ఒక్క మానవీయా వలయంలో ఒక్క మనిషికి మాత్రమే ప్రాధాన్యతనిస్తూ, మానవ కేంద్రంగా మాత్రమే అభివృద్ధి జరుగుతోంది. ఇది ఏ ఆవాస సహజత్వానికైనా ప్రమాదకరమే.

కారణలెన్ని చెప్పుకున్నా మానవుని కృత్యాలతో ప్రకృతి, పర్యావరణ, సహజవనరులపై అజమాయిషీ, అక్రమ ఆక్రమణ, విధ్వంసాల చర్యలకు ఎన్నో సజీవ, నిర్జీవ ఘటకాల మధ్యలో ఏర్పడే అసమతుల్యత వలన ఎన్నో జీవజాతులు రోజురోజుకు కనుమరుగవుతున్నాయి. ఆవాసం ఏదైనా మానవ కుత్రిమ చర్యల వలన (ఆంత్రపోజెనిక్ ఆక్టివిటీస్) బయో జియో కెమికల్ సైకిల్ సహజ చక్రంలో మార్పులు అతివేగవంతంగా (రాపిడ్లీ) జరుగుతోంది. దీని ప్రభావం వలన ఆ ప్రభావిత ఆవాసం తన సహజత్వాన్ని కోల్పోతోంది.

ఈ కారణాలే ఆ ఆవాస క్షీణనతకు ముఖ్యకారణం. ఈ ప్రభావం సంబంధిత ఎకోసిస్టం యొక్క సజీవ, నిర్జీవ ఘటకాలను నిర్వీర్యం చేస్తూ ఆ ఆవాస మనుగడ అంటే జీవమనుగడ (ఫ్లోరా, ఫౌణ) పై మార్పును చాలా వేగవంతంగా చూపిస్తుంది.

జీవుల క్షీనతకు దారితీస్తుంది. ఈ మార్పు జీవుల పుట్టుక, వాటియొక్క పోషణ, ఆహారపు గొలుసు, ఆహారపు వల, వాటి భిన్నమైన నివాసం, పెరుగుదల అభివృద్ధి, ప్రత్యుత్పత్తి, క్షీనత పై ప్రభావం చూపుతుంది, జీవ మనుగడ తలకిందులవుతుంది. అన్ని ఆవరణాలలో (భౌమ్య, జల, వాయు, జీవ ఆవరణాలు) సహజవనరుల, జీవుల మనుగడకు ముప్పు వాటిల్లుతుంది.

అభివృద్ధి అవసరమే, అభివృద్ధిని ఎవరం కాదనలేం, నిజమే అది తీసిపారేయలేని వాస్తవం కానీ, శాస్త్ర, సాంకేతికత, అభివృద్ధి ఏదైనా జీవమనుగడకు అడ్డంకి కాకూడదు. ఏదైనా ఒక ఆవరణం, ఆవాస విధ్వంసాలకు, వాటిలో జీవమనుగడకు నిరోధమైన అభివృద్ధి అభివృద్ధి ఎలా అనిపించుకుంటుంది? అలా మనవేతర జీవుల మనుగడను విస్మరించి అభివృద్ధి జరుపుతూపోతే చివరికి మానవుడు మాత్రమే మిగిలిపోతాడు.

మరి మిగిలిన జీవులు అంతరించిపోయిన తర్వాత పర్యావరణ సుస్థిరత ఎలా సాధ్యమో ఆలోచించుకోవాలి. మానవుడు చేయాలనుకునే ప్రతీ ప్రణాళికా, అభివృద్ధి ఏదైనా ఒక్క మానవ సుఖానికి, వారియొక్క అభివృద్ధి కొరకుమాత్రమే కాకుండా అన్ని ఆవరణాలలోని అన్ని ఆవాసాల జీవరాశియొక్క మనుగడను, వాటి సుస్థిరతను కలుపుకొని మాత్రమే అభివృద్ధి జరగాలి.

సూక్ష్మస్థాయికి వెళ్లి అర్ధంచేసుకోవాల్సిన అవసరం ఎంతో ఉన్నది. అలా అర్ధంచేసుకున్నపుడే ఆవాస రక్షణార్దం మనం ఎలాస్పందించాలో, భవిష్యత్తులో వాటిరక్షానకోసం మనవంతు బాధ్యత, కర్తవ్యం ఏమిటో, మనం ఏంచెయ్యాలో, ఎక్కడినుండి మొదలు పెట్టాలో ఏ ప్రణాళిక ఎలా తయారుచేసుకోవాలో అర్ధమవుతుంది. అప్పుడు మాత్రమే మిగతా జీవులతోపాటు మనిషి మనుగడ సాగించగలడు.

నిస్వార్ధ పర్యావరణ జీవనం ఎంతో అవసరం: మనిషి తమ సుఖసౌలభ్యం కోసం కుత్రిమ జీవన ప్రయాణం సాగిస్తున్నాడు. జీవపరిణామ సిద్ధాంతాన్ని సైతం లెక్కచేయక పర్యావరణ ఆధిపత్యధోరణి అవ్వాజంభించి అనేక పర్యావరణ కాలుష్య సమస్యలు, కుత్రిమ చర్యలద్వారా సహజ విపత్తులకు కారణభూతుడే కాకుండా జీవవైవిధ్యానికి విఘాతం ఏర్పరచి అనేక సమస్యలను కోరితెచ్చుకొని బాధలను అనుభవిస్తున్నాడు ఒక్కొక్కరారి తామేకాక చుట్టువున్న జీవవైవిధ్యానికి ప్రమాదకరంగా మారుతున్నాడు.

ప్రకృతి ఈ కుత్రిమ ప్రయాణంలో తమ సుఖ జీవనమే, తమస్వీయానందమే కేంద్రంగా ముందుతరాల సహజ జీవన విధానాన్ని మరిచి పర్యావరణ విఘాతం కలిగిస్తూ ప్రస్తుతం అవసరానికిమించి విచ్చలవిడిగా వనరుల వాడుక (కనీస అవసరాలకుమించి) అతిగా వాడుతూ రేపటితరాలకు మిగిల్చకుండా భవిష్యత్తును అంధకారంలోకి నెడుతూ అనాలోచితంగా వనరులను ఇప్పుడే మింగేస్తున్నాడు.

సహజ వనరులను, ఆవరణాలను కాలుష్యకొరల్లోకి నెట్టేస్తూ ఆవరణ వ్యవస్థల మనుగడకు అవరోధం కలిగిస్తున్నాడు. ఇలా చేస్తుపోతే జీవమనుగడ ఆగిపోతూ అసలు జీవమే లేకుండా పోతుంది. ఆ ఆగిపోయే జీవంలో మానవుడే మొదటి స్థానంలో ఉంటాడు.

పర్యావరణ సమస్యలను సొంత కుత్రిమ చెర్యలతో కాకుండా పర్యావరణహింతంగా తమ జీవనాన్ని కొనసాగించుకోవాలి. అలా ఉండాలంటే, అదే జరగాలంటే ఏ ఆవరణ వ్యవస్థలోనైనా, ఆవరణంలోనైనా, ఏ ఆవాసంలోనైనా మానవుడు ప్రకృతి, పర్యావరణ, సహసజ వనరులను అర్ధంచేసుకొని సహజత్వాన్ని పునికిపుచ్చుకొని సహజ జీవనానికి కట్టుబడి జీవిస్తూ ప్రకృతి రక్షణ సిద్ధాంతాన్ని అర్ధంచేసుకొని ముందుకెళ్లాలి.

పర్యావరణ విధ్వంసాన్ని వెంటనే ఆపి ఆవరణ ఆవాస అభివృద్ధికి పాటుపడాలి. మానవుడు స్వార్ధం విడిచి “ఈ భూమిపై ఉన్న అన్ని ఆవరణాల ఆవాసాలు అన్ని జీవులకు సమానమని, ఈ భూమిపై అన్ని జీవులకు సమానమైన జీవించే హక్కు ఉందనే ఆలోచనతో ఉందుకు సాగాలి. ప్రతీ పౌరుడు ప్రపంచ క్షేమమే తమ ధ్యేయంగా, పర్యావరణ సమతుల్యతదిశగా అలోచించి నిజజీవిత ప్రవర్తన మార్చుకొని, ప్రకృతి పర్యావరణ రక్షణకు అనుకూలంగా ప్రవర్తిస్తూ జీవించడం అలవాటు చేసుకోవాలి.

అలా మనిషి తమను తాము ప్రకృతి సహజ సిద్దతకు అనుకూలంగా మార్పు చేసుకొని జీవించినప్పుడే ఈ భూమిపై జీవమనుగడ కొనసాగుతుంది. అదే ఈ భూమికి, ఆవరణ వ్యవస్థలకు, అన్ని జీవులకు సుభిక్షం, సురక్షితం.

– రవిబాబు పిట్టల, ఫార్మర్ అసిస్టెంట్ ప్రొఫెసర్, జేఎన్టీయూహెచ్, జాయింట్ సెక్రెటరీ, ఓరుగల్లు వైల్డ్ లైఫ్ సొసైటీ.

ఎకోటూరిజం హబ్‌గా ఇనుపరాతి గుట్టలు..: దేవునూరు సర్పంచ్ అభ్యర్థి సందీప్ హామీలు

The post ఆవాసాల విధ్వంసం అంచున జీవమనుగడ.. తక్షణమే మారాలి మానవ వైఖరి appeared first on VEDHA NEWS.

• ప్రకృతి వనరులు ప్రభుత్వ ఆస్తులు కాదు.. జాతీయ ఆస్తులు!

ప్రభుత్వ పరిపాలన అనేది ప్రజలకు, అన్నిరకాల జీవరాసి మనుగడకు, రాబోవు తరాలకు సుస్థిర జీవనానికి వనరుల సంరక్షణ లక్ష్యంతో పర్యావరణహితంగా ఉండాలి. ఇటీవల జరుగుతున్న వేగవంతపు మార్పులు, తీసుకునే నిర్ణయాలు అభివృద్ధి ముసుగువేసుకొని వనరుల విధ్వంసం దిశగా పరుగేడుతోంది. ఓవైపు సహజ వనరులను కాపాడాలని, భూమిపై, సముద్రాలలో, ఆకాశంలో ప్రపంచవ్యాప్తంగా మారుతున్న వాతావరణ పరిస్థితులను అదుపులో ఉంచేందుకు దేశాలు ప్రయత్నిస్తున్న సమయంలో.. అంతర్జాతీయ వేదికలపై హరిత పర్యావరణం కోసం శాస్త్రియ దృక్పథంలో మార్పులు సంధిస్తూనే.. మరోపక్క ప్రకృతి విధ్వంసానికి అనేక రూపాలలో వివిధ వికృతాలచే అక్రమ సంపాదన, వనరులను ఒకేసారి డబ్బు రూపంలోకి మార్చేందుకు అజమాయిషీ, ఆధిపత్యాల కోసం మనిషి వివిధ మాధ్యమాలను ఉపయోగిస్తున్నాడు.

 

అందులో పరిపాలన ముసుగులో దేశాలను వశం చేసుకునే దిశగా ముందుకెళుతూ వనరులను విధ్వంసం చేస్తూ సొమ్ముచేసుకుంటున్నాడు. ప్రజలచే ఎన్నుకున్న ప్రభుత్వం ప్రయివేటు సంస్థలతో, వ్యక్తులతో కలిసి ఏజెంట్లుగా మారి అధికారంతో వనరులను.. ‘కంచే చేనుమేసిన చందంగా’ బహుళజాతి సంస్థలకు దోచిపెడుతూ, దోచుకుంటుంటే ఆపాల్సింది ప్రజలే.

ఎందుకంటే భవిష్యత్తులో వనరుల లేమితో సమస్యలను ఎదుర్కునేది ప్రజలే కాబట్టి. అంతర్జాతీయంగా కూడా ఇదేపరిస్థితులు చోటుచేసుకుంటున్నాయి. భయపెట్టే సత్తా చేకూర్చుకుని బలమున్నోడిదే రాజ్యమవుతుంది.

దేశ సుస్థిరతకోసం, దేశ ప్రజల జీవన సౌలభ్యం కోసం పరిపాలన జరగాలి. అందుకోసం పాలకులు సంపద సృష్టించాలి. ఆ దిశగా దేశ ప్రణాళికల రచనలు, పరిపాలన నిర్వహణలు ఉండాలి. కానీ ఆ పరిపాలన, ప్రణాళికరచనలు కొందరికే పరిమితం కావడం, అదే దేశ అభ్యవృద్ధి అనుకోవడం మోసపురితమే అవుతుంది.

సామాన్య ప్రజాజీవితాలకు భ్రమకల్పిస్తూ వారిని అంధకారంలోకి నెట్టివేసి భవిష్యత్తును నిర్వీర్యం చేయడమే అవుతుంది. ఇది దేశానికే పెద్ద ప్రమాద సూచిక. తమ స్వప్రయోజనాలు, తమ గెలుపు, స్వార్థ రాజకీయాలకోసం జాతీయ సంపదలైన అడవులను, సహజవనరులను, నిధి నిక్షేపాలను, దేశ ఆస్తులు, భూములను అభివృద్ధి, సుపరిపాలన, పేదరిక నిర్ములన అనే ముసుగులో అధికార దుర్వినియోగంతో ఆక్రమించి ప్రైవేటు వ్యక్తులకు, సంస్థలకు అమ్మివేయడం సు పరిపాలన ఎలా అవుతుందో? ప్రజలు అర్థం చేసుకోవాలి.

ప్రకృతి హెచ్చరికలు పట్టవా?

దేశం వెలిగిపోతుందని ఒకరు, ప్రజాపరిపాలన అని మరొక్కరు ఇలా పరిపానను అడ్డు పెట్టుకొని జాతీయ సంపదను, జాతీయ ఆస్తులను రేపటితరాల జీవన సుస్థిరతకు తవులేకుండా, రాబోవు తరాలను అగాథంలోకి నెట్టి వేయడమే అవుతుంది.

పర్యావరణ సమతుల్యతకు వ్యతిరేకంగా ప్రజాస్వామ్యంలోని లొసుగులను అదునుగా చేసుకొని నిధులను ఇతరులకు కట్టబెట్టడం ఎంతవరకు సమంజసం, ఆచరనీయం? ఇప్పటికే ప్రకృతి అనేక విపత్తులను పరిచయంచేస్తూ హెచ్చరిస్తూనే ఉన్నది.

అయినా ఇలా తెలిసి విపత్తులను అనుభవిస్తూ సహజ వనరులను, జాతీయ సంపదను లూటి చేయడం, భవిష్యత్తును తెలిసి చెరపట్టడమే అవుతుంది. ఇది సహజ వనరుల, పర్యావరణ సుస్థిరతకు విఘాతమే అవుతుంది. ప్రభుత్వాలు సంపదను సృష్టించి అభివృద్ధి చేస్తూ పరిపాలన చేయాలి. కానీ, ఉన్న దేశ, రాష్ట్ర జాతీయ సంపదను, ఆస్తులను చెరబట్టి అమ్ముకొని పరిపాలించడమేమిటో, ఈ పరిపాలన ఎవరికోసమో, దానివెనుక ఉన్న కుట్ర ఏమిటో అర్థం చేసుకోవాల్సిన తరుణం ఇది.

సంపదను సృష్టించలేనివాడికి నాశనం చేసే హక్కు అధికారం ఎక్కడిది ఎవరిచ్చారు..? ప్రజలు.. నాయకులను, ప్రభుత్వాలను ఎన్నుకునేది సంపదను సృష్టించి పాలించాలని. అలాకాకుండా అధికారం చేతుల్లో అడ్డుపెట్టుకొని ప్రజలను చెప్పుచేతుల్లో మోసం చేస్తే, ఉన్న దేశ ఆస్తులను మాయం చేస్తూ సూపరిపాలన అనే భ్రమ కల్పిస్తూ కొనసాగుతున్న పరిపాలన మోసమే తప్ప ప్రజాపాలన ముమ్మాటికీ కాలేదు.

దేశ ఆస్తులను, జాతీయ సంపదను అభివృద్ధి, పరిపాలన ముసుగులో ఇలా అమ్ముకుంటూ పోతే రేపటి ప్రభుత్వాలు పరిపాలన ఎలా కొనసాగిస్తాయి. చివరికి ప్రజల బతుకులు ఎవరి చేతుల్లోకి వెళ్లిపోతాయో ఆలోచించాల్సిన అవరమెంతైనా మన అందరిపైన ఉన్నది.

ఇప్పటికైనా ప్రభుత్వాలు దేశ ఆస్తులను, సహజవనరులను ప్రజా అవసరాలకు మించి కోళ్లగొట్టడం ఆపివేయకపోతే దేశ భవిష్యత్తు అంధకారమే. సంపదను సృష్టించుకుంటూ, ఉన్న దేశ సంపదను కాపాడుకునే దిశగా ఆలోచించు కోవాలి.

బ్రెజిల్.. అమెజాన్ అడవులను కాపాడుతూ, ఆదివాసీల ఉపాధిని పెంచడానికి, మైనింగ్‌పై ఆధారపడకుండా ‘బయో ఎకానమీ’ అనే సుస్థిర ఆర్థిక నమూనాను అభివృద్ధి చేస్తోంది. వాతావరణ మార్పుల ప్రతికూల ప్రభావాలను తగ్గించడానికి, జీవారణ్యాల మనుగడ మానవ మనుగడకు అత్యవసరం అని బ్రెజిల్ చాటి చెబుతోంది. దీనికి విరుద్ధంగా.. భారతదేశంలో 2024-2025లో తీవ్ర వాతావరణ పరిస్థితులు నమోదయ్యాయి. అధిక ఉష్ణోగ్రతలు, వడగాలుల వల్ల అసంఘటిత రంగ కార్మికుల్లో 60 శాతం మంది ఆదాయం కోల్పోయి, ఆరోగ్య సమస్యలకు గురవుతున్నారు. వాయు కాలుష్యం (ఢిల్లీ ప్రపంచంలోనే అత్యంత కాలుష్య నగరం), విష రసాయనాలు పీల్చడం వలన ప్రజలు శ్వాసకోశ, గుండె, క్యాన్సర్ వంటి రోగాల బారిన పడుతున్నారు.

ఇక్కడ ‘మంచి గాలి’ ఒక లగ్జరీ వనరుగా, వ్యాపారంగా మారింది. భారత్ ప్రస్తుతం ‘విధ్వంసకర, వినాశకర వికాసం’ దిశగా ప్రయాణిస్తోంది. దేశ కార్బన్ ఉద్గారాలను స్వీకరించే దండకారణ్యం బొగ్గు, బాక్సైట్ తవ్వకాలకు అనుమతులు ఇవ్వడం వల్ల తీవ్ర ప్రమాదంలో పడింది.

కార్పొరేట్ మైనింగ్‌ను ప్రతిఘటిస్తున్న ఆదివాసీ ఉద్యమాలను అణచివేయడం, దేశ సంపదను ధ్వంసం చేయడం పరిపాలనా ధర్మానికి విరుద్ధం. ప్రపంచ సంతోష నివేదిక-2025లో భారత్ 118వ స్థానంలో ఉండడం, ప్రజల్లో విద్య, వైద్యం, స్వచ్ఛమైన వనరుల పట్ల ప్రభుత్వ మద్దతు లేదనే అసంతృప్తిని సూచిస్తోంది. ప్రభుత్వాలు తక్షణమే మేల్కొని, రాజ్యాంగం అందించిన జీవించే హక్కును విస్తృతంగా అమలు చేయాలి.

కార్పొరేట్లను నియంత్రించి, ప్రజల ప్రయోజనాలను పరమార్థంగా పాలన సాగించాలి. కాలుష్య నియంత్రణలో చైనా విధానం, జీవ ఆర్థిక వ్యవస్థలో బ్రెజిల్ విధానం ఆదర్శంగా తీసుకుని, శిలాజ ఇంధనాల వాడకాన్ని తగ్గించి, అడవుల పెంపుదలను అమలు చేయాలి. పౌర సమాజం అప్రమత్తతతో, ప్రజాస్వామిక పోరాట రూపాలతో ఈ పర్యావరణ వ్యతిరేక విధానాలను ఎండగట్టాల్సిన అవసరం ఉంది.

భూమిపై సకల జీవరాసులకు సమానంగా జీవించే హక్కువున్నది. ఒక్క మానవునికి మాత్రమే ఈ భూమి సొంతం కాదు అనే దృష్టితో ప్రభుత్వాలు పాలన సాగించాలి. పాలకుల విధానం దేశ అభివృద్ధికి, సుస్థిర ప్రజా జీవన, జీవమనుగడదిశకు పర్యావరణ సుస్థిరతకు అనుకూలమై ఉండాలి.

అప్పుడే జాతీయ సహజ సంపదలైన అటవీ సంపద, దేశ భూములు, సహజవనరులు దేశ ఆస్తులుగా అందరికీ సుస్థిర పరిపాలన ఫలాలుగా అంది భవిష్య మానవ, ఇతర జీవరాసి సుగమ జీవనానికి బాటవేసి బాసటగా పాలన నిలుస్తుంది.

– రవిబాబు పిట్టల, పర్యావరణవేత్త, ఓరుగల్లు వైల్డ్ లైఫ్ సొసైటీ సంయుక్త కార్యదర్శి

The post ఆస్తుల అమ్మకం.. దేశ ద్రోహమే! appeared first on VEDHA NEWS.

• ఏటునాగారం వైల్డ్ లైఫ్ శాంక్చువరీ లో 80 రకాలకు పైగా బట్టర్ ఫ్లై స్

వేద న్యూస్, వరంగల్:

ఓరుగల్లు వైర్లెస్ సొసైటీ, ములుగు అటవీ శాఖ ఆధ్వర్యంలో తెలంగాణలో ప్రథమంగా ప్రతిష్టాత్మకంగా చేపట్టిన సీతాకోకచిలుకల సర్వే విశేష స్పందన లభించింది. తెలంగాణలో 150 కి పైగా సీతాకోక చిలుకల జాతులు ఉండగా … ఏటునాగారం వైల్డ్ లైఫ్ శాంక్చువరీ లో 80 రకాలకు పైగా సీతాకోక చిలుకల జాతులను గుర్తించడం జరిగింది. ఈ సర్వేలో దేశంలోని వివిధ రాష్ట్రాల నుండి దాదాపు 60 మందికి పైగా పరిశోధకులు చిత్ర చాయాగ్రహకులు పర్యావరణవేత్తలు పాల్గొన్నారు.

 

కార్యక్రమంలో నాలుగో రోజు (ఆదివారం) ములుగు జిల్లా అటవీశాఖ కార్యాలయంలో నిర్వహించిన ముగింపు ఉత్సవాలలో సీతాకోక చిలుకల సర్వేలో పాల్గొన్న ప్రతి ఒక్కరికి ప్రశంసా పత్రము అందించారు.

పర్యావరణ సమతుల్యతలో కీలకపాత్ర పోషిస్తున్న సీతాకోక చిలుకల మనుగడకు పర్యావరణవేత్తలు స్వచ్ఛంద సంస్థలు ముందుకు వచ్చి ఇలాంటి సర్వేలు నిర్వహించి, వాటి మనుగడకు దోహదపడాలని జిల్లా అటవీశాఖ అధికారి రాహుల్ కిషన్ జాదవ్ తెలిపారు.

కార్యక్రమంలో ఓరుగల్లు వైల్డ్ లైఫ్ సొసైటీ అధ్యక్షులు ఇందారం నాగేశ్వరరావు, కార్యదర్శి చెలుకూరి శ్యాంసుందర్, జాయింట్ సెక్రెటరీ రవి బాబు, ఫారెస్ట్ రేంజ్ ఆఫీసర్లు, సెక్షన్ ఆఫీసర్లు, బీట్ ఆఫీసర్లు , వివిధ స్వచ్ఛంద సంస్థల వారు పాల్గొన్నారు.

దట్టమైన అడవిలో బట్టర్ ఫ్లై, మాత్‌ల సెర్చింగ్

The post అభయారణ్యంలో సీతాకొకచిలుకల సర్వేకు విశేష స్పందన appeared first on VEDHA NEWS.

ప్రకృతిలోని అడవులు, సరస్సులు, జలపాతాలను సందర్శించడం, అటవీ నడక ద్వారా మన దైనందిన జీవిత కార్యకలాపాల ద్వారా మనలో ఉత్పత్తి చేయబడిన మానసిక ఒత్తిడి సమతుల్యమవుతుంది. కొత్త ఉత్సాహం కలిగి మానసిక, శారీరక ఆనందంతో మనం మన చుట్టూ ఉన్న వారితో మంచి వాతావరణాన్ని సృష్టించుకొని, నిరాశ, నిట్టూర్పు లేకుండా జీవిస్తాము, సామరస్యం, సామర్థ్యంతో ముందుకు సాగుతాం.

ప్రకృతి మనలోని ఒత్తిడి హార్మోన్లను తొలగించడం ద్వారా ఆరోగ్యకరమైన హార్మోన్ల సమతుల్యత ఏర్పడుతుంది. ప్రకృతితో ఈ పరస్పర చర్య రోజువారీ ఒత్తిళ్ల వల్ల కలిగే మానసిక ఒత్తిడిని తగ్గిస్తుంది, శారీరక మరియు భావోద్వేగ శక్తితో మనల్ని పునరుజ్జీవింపజేస్తుంది.

ప్రకృతిలోని అడవులు, నదులు, సరస్సులు, చెట్లు, గడ్డి మైదానాలు, జంతువులు, మొక్కలు, సీతాకోకచిలుకలు, పక్షులు మిగతా జీవరాశులను చూసినట్టయితే మనకు మన శరీరానికి సంతోషకరమైన పరిస్థితులు ఏర్పడుతాయి. దానికి ముఖ్యమైన కారణం ఈ సందర్శన ద్వారా మన జ్ఞానేంద్రియాలు, శరీరము కొన్ని హార్మోన్లను విడుదలకు కారణం అవుతాయి.

 

ప్రకృతి ఒత్తిడిని తగ్గించే ప్రభావాల వెనుక ఉన్న శాస్త్రం ప్రకృతి కార్టిసాల్ (ఒత్తిడి హార్మోన్) ను ఎలా తగ్గిస్తుందో. ఆనందానికి ఎండార్ఫిన్లు, డోపమైన్‌ను పెంచడంలో ప్రకృతి పాత్ర కీలకం. రక్తపోటు, హృదయ స్పందన రేటును తగ్గించడంపై ప్రభావాలు. ఈ ప్రయోజనాలను నిర్ధారించే పరిశోధన అధ్యయనాలను మీరు చెక్ చేసుకోవచ్చు(ఉదా., 20 – నిమిషాల ప్రకృతి విరామాలపై హార్వర్డ్ అధ్యయనం).

వాటిలో కొన్ని ముఖ్యమైనవి.. సంతోష మానసికోలాసానికి హ్యాపీ హార్మోన్ అయిన డోపమైన్, మనలో ప్రేమ, దయ, కరుణ రసాలను ఉత్పత్తిని రేకెత్తించే – ఆక్సిటోసిన్ హార్మోన్, హాయిగా మంచి నిద్ర పట్టడానికి – మెలటోసిన్ హార్మోన్, మన జీర్ణవ్యవస్థలో ఉపకరించే ఆకలిని పుట్టించే – గ్రేలిన్ హార్మోన్, మనలో సంపూర్ణత్వాన్ని కలిగించే హార్మోన్ అయిన – లెప్టిన్ హార్మోన్, శరీరంలో శక్తిని పదునుపెట్టే – అడ్రనలిన్ (ఎపినెఫెరిన్) హార్మోన్, మంచి అనుభూతి చెందేలా చేసే- సెరోటోనిన్ హార్మోన్,

నొప్పిని, నీరసాన్ని తీసివేసే (తగ్గించే) – ఎండోర్ఫిన్స్ హార్మోన్, పాల ఉత్పత్తికి తోడ్పడే – ప్రొలాక్టీన్ హార్మోన్, శరీరంలోని రక్తంలో ఉండే చక్కర స్థాయిని క్రమబద్దీకరించే – ఇన్సులిన్ హార్మోన్, శరీర సమతుల్యతకు ఉపయోగపడే జీవక్రియను పెంచే థైరాక్సీన్ (టి4) హార్మోన్, స్త్రీ గర్భదారణ హార్మోన్ – ప్రొజెస్టేరోన్ (హెచ్‌సీజీ ) హార్మోన్, పురుష హార్మోన్ – టెస్టోస్టేరోన్, శరీరంలోని మరియు రక్తంలోని నీటిని సమన్వయపరచే – యాంటిడైయురేటిక్ హార్మోన్, అధిక క్రొవ్వును క్రమబద్దీకరించే – గ్లూకోగాన్ హార్మోన్, పెరుగుదలను సమపాళ్ళలో నియంత్రించే గ్రోత్ హార్మోన్ – సోమాటోట్రోఫీన్ (జీహెచ్), అస్థికల అభివృద్ధికి ఉపయోగపడే – కాల్షిటోసిన్ హార్మోన్, శరీరంలో కాల్సియం సమన్వయపరిచే – పారాథైరాయిడ్ హార్మోన్,

శరీర ఉష్ణోగ్రతను క్రమబద్దీకరించే – థైరాయిడ్ స్టిములేటింగ్ హార్మోన్ (టీఎస్‌హెచ్), స్ట్రెస్ హార్మోన్ అయిన కార్టిసోల్ హార్మోన్ ఉత్పత్తిని కూడా తక్కువచేస్తూ, ప్రధాన గ్రంధి అయిన పిట్యూటరీ గ్రంధి వీటన్నిటిని నియంత్రించేలా ఈ ప్రకృతి, అటవీ, అభయ్యారణ్యాల, జలపాతల, సెలయేళ్ల, పచ్చని గడ్డి మైదానాల, అందమైన పశు పక్షాదుల, సీతాకోకచిలుకల, పార్కుల, పర్వతాలను సందర్శించడం ద్వారా మనకు శాంతిని, ఆహాళ్లాదాన్ని, ఆనందాన్ని, తృప్తిని ఇస్తూ కొత్త ఉత్సాహంతో, ఉత్తేజాన్ని నింపుకొని మన డైనందిన జీవన చక్రాన్ని ముందుకు నడుపుకోవడంలో, మన ఆయుష్షును పెంచికోవడంలో ఎంతో సహకరిస్తాయి.

డిజిటల్ ఒత్తిళ్లకు చెక్

ప్రకృతి వల్ల మానసిక ప్రయోజనాలు మానసిక స్థితిలో మెరుగుదల, ఆందోళన, నిరాశ లక్షణాలను తగ్గుతాయి. శ్రద్ధ, అభిజ్ఞా విధులను పునరుద్ధరించడంలో ప్రకృతి పాత్ర. స్వీయ నియంత్రణపై దాని ప్రభావాలు కలిగి, చిరాకు తగ్గడం, సామాజిక సంబంధం, సహకారం భావం పెరుగుదల జరుగుతుంది.

ప్రకృతి భౌతిక ప్రయోజనాలు బహిరంగ వ్యాయామం, సంబంధిత శారీరక ఆరోగ్య ప్రయోజనాలను సులభతరం చేయడం తెలిసిందే. రోగనిరోధక పనితీరు, ఎండోక్రైన్ వ్యవస్థ సమతుల్యతను మెరుగుపరచడం. డిజిటల్/పట్టణ ఒత్తిళ్ల నుండి సహజ నిర్విషీకరణగా ప్రకృతి పని చేస్తుంది.

ప్రకృతిని రోజువారీ జీవితంలో చేర్చడానికి ఆచరణాత్మక మార్గాలు ప్రకృతి నడకలను మైండ్‌ఫుల్ శ్వాస లేదా ధ్యానంతో కలపడం, బహిరంగ సృజనాత్మక కార్యకలాపాలు, కాలానుగుణ కార్యకలాపాలలో పాల్గొనడం, వాటి నిర్దిష్ట ప్రయోజనాలు (ఉదా., హైకింగ్, ఈత, సైక్లింగ్) ఉంటాయి. మనం ప్రకృతిలో సమయం గడిపినప్పుడు, ఇది కార్టిసాల్ వంటి ఒత్తిడి హార్మోన్లను నియంత్రించడానికి, తొలగించడానికి సహాయపడుతుంది, వాటిని ఆనందం మరియు ఆరోగ్యాన్ని ప్రోత్సహించే హార్మోన్లతో భర్తీ చేస్తుంది.

సహజ పరిసరాలలో కేవలం 20-30 నిమిషాలు కార్టిసాల్ స్థాయిలను తగ్గిస్తుందని శాస్త్రీయ అధ్యయనాలు సూచిస్తున్నాయి, ఇది కీలకమైన ఒత్తిడి హార్మోన్, ఇది ఆందోళన తగ్గడానికి, మెరుగైన మానసిక స్థితికి, మెరుగైన మానసిక స్పష్టతకు దారితీస్తుంది.

ఈ మానసిక ఉద్ధరణ అనేది పునరుద్ధరించబడిన ఉత్సాహం, శారీరక శ్రేయస్సుతో జీవితాన్ని గడపడానికి అనువదిస్తుంది. ప్రకృతితో సన్నిహితంగా ఉండటం వల్ల మనం నిరాశ, అలసటను ఎదుర్కోవడానికి సహాయపడుతుంది, కానీ ఇతరులతో మన పరస్పర చర్యలలో సామరస్యం, సామర్థ్యాన్ని కూడా పెంపొందిస్తుంది.

తత్ఫలితంగా, ఈ సానుకూల మనస్తత్వం దృష్టి, శక్తితో మన లక్ష్యాలను సాధించే దిశగా మనల్ని నడిపిస్తుంది.ప్రకృతిని క్రమం తప్పకుండా ఆలింగనం చేసుకోవడం వల్ల మన ఒత్తిడి ప్రతిస్పందనలు మారుతాయి, ఆనందాన్ని పెంచుతాయి, ఆరోగ్యాన్ని మెరుగుపరుస్తాయి. సానుకూల శక్తి, సామరస్యంతో చుట్టుముట్టబడిన ఉత్పాదక, ఆనందకరమైన జీవితాలను గడపడానికి వీలు కల్పిస్తాయి.

కనీసం వారాంతం కానీ, నెల చివరణ కాని, మనకు దగ్గరలో, అందుబాటులో, మన ఆర్థిక స్థోమతను బట్టి అందమైన ప్రకృతి సోయగాలను తిలకించేందుకు ప్రతిఒక్కరూ ప్రయత్నం చేసుకోవాలి.

– రవిబాబు పిట్టల, పర్యావరణవేత్త, మాజీ సహాయ ఆచార్యులు, జేఎన్‌టీయూహెచ్, సంయుక్త కార్యదర్శి, ఓరుగల్లు వైల్డ్ లైఫ్ సొసైటీ.

The post ఈ విషయం మీకు తెలుసా..? ప్రకృతి ఒడిలో సేదతో ఆయుష్షు..! appeared first on VEDHA NEWS.

మానవుడు  స్వార్థంతో ప్రకృతికి వ్యతిరేకంగా నడుచుకుంటున్నాడు. తనకు కావాల్సిన విధంగా పకృతిని మార్చుకోవడానికి ప్రయత్నిస్తున్నాడు. ఈ పరిణామంలో నేలపై, జీవులపై, మొక్కలపై, గాలిపై, నీటిపై అనేక ప్రతికూల ప్రభావాలు పడుతూ కాలుష్యం ఏర్పడి పర్యావరణ సుస్థిరతకు భంగం వాటిల్లుతుంది. ఈ కాలుష్యాల ద్వారా మనిషి జీవన విధానంలో, తన సంస్కృతిలోని మార్పు వస్తుంది.

ముఖ్యంగా మనిషి సంతోషంగా ఉండటానికి కొన్ని తనకు నచ్చిన విధంగా జీవించడానికి మన పూర్వీకులు పండుగలను ఏర్పరుచుకున్నారు. అలాంటి తెలంగాణ పండుగలలో ప్రకృతిని, పువ్వులను ఆరాధించే పండుగలలో ఒకటి ఈ “బతుకమ్మ పండుగ.”

బతుకమ్మ పండుగల రోజున ఉదయాన్నే స్నానం చేసి మగవారు, పిల్లలు అందరు సమూహంగా మరి అడవులకి గ్రామ పక్కన ఉన్న ఆ గ్రామం యొక్క చుట్టు పక్కల ఉన్నటువంటి కొండలపైకి, చిన్న చిన్న అడవిలోనికి, చెరువు గట్ల పైన ఉన్న చెట్ల, గుల్మాల పువ్వులను తెంపుకొని వచ్చేవారు.

అలాంటి పువ్వులలో ముఖ్యమైనవి తంగేడు పువ్వు, తర్వాత గునుగు పువ్వు, సీతమ్మ పట్టుకుచ్చుల పువ్వు, అడవి చామంతి, రోకలిబండ,ముచ్చాల, కట్లాషా, బంతి, చాబంతి పువ్వులు.. అలాగే ముందుగా అడుగున వేయడానికి గుమ్మడి ఆకులు ఇలాంటివి తీసుకొని వచ్చి.. పండక్కి అమ్మగారింటికి (అవ్వగారింటికి) వొచ్చిన ఆడబిడ్డలతో ఇంట్లో ఆడ పిల్లలకి ఇస్తే.. వాటికి కొన్ని సహజ రంగులద్ది, గుమ్మడి ఆకులను వేసి పల్లాలలో, తపుకు, తంభాలంలో పేర్చుకుని బతుకమ్మగా చేసుకుంటారు.

అందులో పసుపుతో చేసిన గౌరమ్మను, అగరోతులతో అలంకరించి డూపదీప నైవేద్యాలిచ్చి ఆ రోజు సాయంత్రం వారందరూ ఊరికి దగ్గరలో కొత్తగా చేరిన నీటి చెరువులో, కుంటలో దగ్గర చేరి సంతోషంగా పండుగ బతుకమ్మ చుట్టూ తిరుగుతూ చప్పట్లు కొడుతూ ఆడుకునేవారు, ఇప్పటికీ ఆడుకుంటున్నారు.

ఆ తర్వాత తెచ్చిన ఫలహారము, పెరుగుతో కలుపుకుని తెచ్చుకున్న సద్ది ప్రసాదంగా పసుపు కుంకుమలతో ఒకరికొకరు వాయినాలు ఇచ్చుకుని చివరగా బతుకమ్మను మగ పిల్లలతో చెరువుల్లో, కుంటల్లో నిమజ్జనం చేసి పోయిరావమ్మా బతుకమ్మ పోయిరావమ్మా అంటూ పాటలు పడుకుంటూ ఇంటికి సంతోషంగా ఒకరితో ఒకరు మాట్లాడుకుంటూ వెళ్లేవారు.

బతుకమ్మను పేర్చి కోవడానికి కావలసినటువంటి పువ్వుల్లో ముఖ్యమైనది తంగేడు పువ్వు, గునుగు పువ్వు సీతమ్మ కుచ్చు పువ్వు, అడవి చామంతి పువ్వు, రుద్రాక్ష, పువ్వు, తామర పువ్వు, రోకలి బండ పువ్వు, చామంతి పువ్వు, ముద్దబంతి పువ్వు, ముఖ్యమైన పూల జాతి మొక్కలు.

ఈ మొక్కలు అంతరించిపోతున్న నందున మనకు బతుకమ్మ పువ్వులు దొరకటం లేదు. దానికి కారణం మారుతున్న పండుగల సంస్క్రతి, సంప్రదాయాలతోపాటుగా పర్యావరణ, ప్రకృతి విద్వంసం.

మన సంస్కృతిని కాపాడే పండుగలు, మనం సంతోషంగా అందరిని కలిసి మెలిసి జీవించే విధంగా ఉండే ఇటువంటి పండుగలని కాపాడుకునేందుకు మన చుట్టూ ఉన్న ప్రకృతి అంటే గాలిని, నీటిని, భూమిని, ప్రకృతి విద్వాంసం విధానాడుతూ వాతావరణ కాలుష్యం నుంచి కాపాడుకుని మన జీవన విధానాన్ని, మన సంస్కృతితో కూడిన పండుగల విశిష్టతలను, ప్రాషష్ట్యాన్ని భావితరాలకు అందించే విధంగా మన భుజస్కందాలపై ఉన్నది.

కాబట్టి, మనం ప్రకృతిని ఆరాధిస్తూ, ఈ పండుగను ప్రకృతి సహేతుకంగా జరుపుకునే విధంగా జీవించాలి. అదేవిధంగా కనుమరుగైపోతున్న ఈ వృక్షజాతులు పూల మొక్కలు జీవవైవిద్య వైవిధ్యంలో మార్పులను గమనిస్తూ మన ప్రకృతిని మనం కాపాడుకుందాం. పకృతి ని కాపాడే పర్యావరణాన్ని రక్షిద్దాం అదే మనల్ని తిరిగి రక్షిస్తుంది.

ఆడపిల్లలందరికీ పువ్వుల పండుగ బతుకమ్మ శుభాకాంక్షలు.

• రవిబాబు పిట్టల, పర్యావరణవేత్త.

The post జీవవైవిధ్యంలో మార్పు ..పండుగలపై దాని ప్రభావం appeared first on VEDHA NEWS.

యాడ బాయరో
నా బంగారు తెలంగాణ..!
ఎక్కడ బాయరో నా తెలంగాణ ఉద్యమ నినాదం..!
ఏమై పాయరో నీళ్ళు, నిధులు, నియామకాలు..!

ఎవనిపాలాయరో
ఆ కోటి రాతణాల వీణ..!
ఎవనికి కుర్చీలాయరో మరిచిన

ఆత్మహత్యల నినాదాలతో, లక్ష్యాలతో ఉద్యమ త్యాగాలు..!

నా దేశం వెలిగిపోతోంది
ఓవైపు బంగారు తెలంగాణ అన్నరు..!
ఇంకోవైపు డిజిటల్ ఇండియా వెలుగులు అన్నరు..!

ఎత్తైన విగ్రహాల సాక్షిగా
నా తెలంగాణ వెలిగిపోతున్నది..!
దశాబ్ది ఉత్సవాల సాక్షిగా
తెలంగాణ రాఁష్టంలోనే ఈ విధంగా ఉంది అంటే
నా దేశంలోని పరిస్థితి ఆగమ్యగోచరమే..!

డబ్బుతో రాజకీయ నాయకులు
ఓట్లను కొనుక్కొని గద్దలెక్కుతున్నారు..!
వాళ్లకు అనుకూలమైన శాసనాలను తయారు చేసుకొని దేశాన్ని రాష్ట్రాన్ని పాలిస్తున్నారు..!

పేదల హక్కులను కాలరాస్తున్నారు..
పేదరికానికి వాళ్లను ముంచేస్తున్నారు.
పేదరికంలో వాళ్లను ముంచేస్తూ..దేశాన్ని, రాష్ట్రాన్ని
రాష్ట్ర నిధులను, వనరులను దోసుకుంటున్నారు, దోచిపెడుతున్నారు.

ఇంకెంతకాలం భరిద్దాం?
ఇప్పటికైనా ప్రజలు చైతన్యవంతం కావాలి..!

అప్పుడు మాత్రమే మనం,
మన హక్కులు, మనకు చేరాల్సిన, మనకు రావాల్సిన నిధులు మనకు వస్తాయి.

రాబోవు తరాలకు కూడా మిగిలి ఉంటాయి.
లేక పోతే చీకట్లో వెతికున్నట్టే ఉంటాయి మన జీవితాలు..!
బతికినట్టే ఉంటాము కానీ బతకలేము
తిన్నట్టే ఉంటాము కానీ తినలేము..!

దయచేసి ఆలోచించండి హక్కుల కోసం..!
ఎదురుతిరిగి ప్రశ్నించండి అందుకోసం..!!
ఆ కలలు కన్న బంగారు తెలంగాణ కోసం..!!!

– రవి బాబు పిట్టల,
పర్యావరణవేత్త.

The post గతికెందుకు మెతుకులు కరువవుతూ, చితికేందుకు తెలంగాణ బతుకులు..! appeared first on VEDHA NEWS.

ప్రకృతిని, పంచ భూతాలను చెరబట్టకు…!
నీ స్వార్థం కోసం ఒకేసారి సహజవనరులను
డబ్బు రూపంలోకి మార్చకు…!

నీ సామాన్య జీవనానికి
అవసరమైనంత మాత్రమే
ప్రకృతి ప్రసాదించిన
సహజ వనరులను వాడుకో…!

లేదని నీ పంతం మార్చుకోకపోతే,
ఇదిగో నా ప్రకాపంలో కనుమరుగైపోతావు…!

నీ తోపాటు నీ చుట్టు ఉండే
అమాయక నిర్జీవ వనరులను,
సజీవ జీవజాతులు నీతోపాటు బలియావుతాయి…!

ఇది నిప్పులాంటి నిజం…
నీ కనులముందే సాక్షాలతో సహా,
ఇదిగో ఇలా హెచ్చరికలు ఇస్తూనే ఉంది…!!

ఇకనైనా నీ స్వార్ధం మానుకో…!
సహజసిద్ద సానుకూలంగా జీవించడం నేర్చుకో..!

లేదంటే నీ ఉనికిని,
మనుగడనే మార్చేస్తుంది నీ దాష్టికాలు చూడ లేక

అవసరమైతే నిన్నే మింగేస్తుంది
ఈ ప్రకోపించిన ప్రకృతి,

పంచాభూతాల ప్రకోప
ప్రళయ నృత్యమృత్యువును
భరించలేక కనుమరుగవుతావు…!!!!

కాదంటే ప్రకతి ప్రకోపానికి
గజగజా వణుకుతూ…
కాలగర్భంలో కనుమరుగవుతావు
కానులారా చూస్తూ…!

ఇక మారుతావో కనుమరుగవుతావో నీ ఇష్టం
ఇక కాచుకో…!!

ఓ మనిషీ…!
నీ స్వార్ధం మానుకో…!
ఇకనైనా నీ వైనం మార్చుకో…!
నిస్వార్థంగా జీవించడం నేర్చుకో…!

– రవి బాబు పిట్టల, పర్యావరణవేత్త,
– సంయుక్త కార్యదర్శి, ఔల్స్(Owls) ఎన్జీవో , హైదరాబాద్, తెలంగాణ, భారత్.

The post ఓ మనిషీ.. స్వార్థం మానుకో.. అవసరం మేరకే సహజ వనరులు వాడుకో..! appeared first on VEDHA NEWS.

• హైదరాబాద్ సెంట్రల్ వర్సిటీ అడవుల జీవవైవిధ్య విధ్వంసం పైన OWLS ఆధ్వర్యంలో రౌండ్ టేబుల్ సమావేశం

వేద న్యూస్, వరంగల్:

తెలంగాణ ప్రభుత్వం గత వారం రోజుల నుంచి రాష్ట్రంలోని హైదరాబాద్ సెంట్రల్ యూనివర్సిటీ (HCU) లో హైదరాబాద్ కు ఊపిరి అందిస్తున్న అడవిని, అడవి జంతువులను, వృక్షాలను, నీటి కుంటలను చట్టవిరుద్ధంగా 400 ఎకరాలను రాత్రికి రాత్రి నాశనం చేయడం దారుణం అని పలువురు పర్యావరణవేత్తలు పేర్కొన్నారు. హైదరాబాద్ సెంట్రల్ యూనివర్సిటీ కి సంబందించిన 400 ఎకరాల అడవి విధ్వంసం గురించి ఓరుగల్లు వైల్డ్ లైఫ్ సొసైటీ(OWLS) ఆధ్వర్యంలో హనుమకొండ నక్కలగుట్టలోని హరిత హోటల్ లో రౌండ్ టేబుల్ సమావేశం నిర్వహించారు.

ఈ చర్చా కార్యక్రమానికి ముఖ్య అతిథిగా మాజీ శాసనసభ్యులు దాస్యం వినయ్ భాస్కర్  హాజరై మాట్లాడుతూ ప్రపంచ స్థాయి ప్రమాణాలు గల హైదరాబాద్ సెంట్రల్ యూనివర్సిటీ లోని 400 ఎకరాల విస్తీర్ణంలో ఉన్న జీవులను ఛిద్రం చేస్తూ, చెట్లను, జీవుల ఆవాసాలను, నీటి వనరులను, పర్యావరణ చట్టాలను, అటవీ చట్టాలను, నీటి చట్టాలను తుంగలో తొక్కి కోర్టు ఆదేశాలను సైతం ఉల్లంఘిస్తూ అక్కడి జీవవైవిధ్యాన్ని నాశనం చేస్తున్న తెలంగాణ రాష్ట్ర ప్రభుత్వం పైన చట్టప్రకారంగా చర్యలు తీసుకోవాలని డిమాండ్ చేశారు.

సామాజిక బాధ్యతతో జీవ వైవిధ్య పరిరక్షణ కోసం పోరాటం చేస్తున్న విద్యార్థులపైన, ఇతరులపైన పెట్టిన అక్రమ కేసులను ఎత్తివేయాలని కోరారు. తాను పర్యావరణ పరిరక్షణ కోసం కట్టుబడి ఉన్నానని తెలిపారు.

మాజీ మేయర్ టి. రాజేశ్వరరావు మాట్లాడుతూ… మనిషి తన అస్తిత్వం కోసం ప్రకృతిని నాశనం చేయడం దారుణం అన్నారు. 400 ఎకరాలల్లో అడగని విధ్వంసం చేయడం ప్రభుత్వ ఏకపక్ష నిర్ణయమేనని పేర్కొన్నారు.  ప్రభుత్వ ప్రజా వ్యతిరేక విధానాలపై పౌర సమాజం పోరాడాలని పిలుపునిచ్చారు.

“ఓరుగల్లు వైల్డ్ లైఫ్ సొసైటీ” సంస్థ సభ్యులు మాట్లాడుతూ ప్రైవేటు వ్యక్తులతో కుమ్మక్కై రాష్ట్రప్రభుత్వం ఎన్నో సంవత్సరాల వయసు కలిగిన చెట్లను పీకివేస్తూ జింకలను, నెమళ్లను,వివిధ రకాల పక్షులను, షెడ్యూల్ 1,2,3,4, జాబితాలో గలిగిన జీవులను,నక్షత్ర తాబేళ్లను, ఉడుములను, పాములను, తొండలను జీవ వైవిధ్యం పరంగా ప్రాధాన్యత కలిగిన వివిధ రకాల జీవులను, నాశనం చేయడం అత్యంత దారుణమని పేర్కొన్నారు. ఈ సందర్బంగా HCU జీవవైవిధ్యం,  ప్రభుత్వం చేపట్టిన విధ్వంసంపై 10 నిమిషాల వీడియో అదేవిధంగా 30 నిమిషాల పవర్ పాయింట్ ప్రెజెంటేషన్ ను ఔల్స్ జాయింట్ సెక్రెటరీ రవిబాబు పిట్టల ప్రజెంట్ చేశారు.

వివిధ NGO’S ప్రతినిధులు మాట్లాడుతూ నీరు, భూమి, ఖనిజాలు, చెట్లు వంటివి పరిమిత వనరులు కాబట్టి  వాటిని బాధ్యతాయుతంగా ఉపయోగించాలన్నారు . సహజ వనరుల సంపద నశిస్తే రాబోయే తరాలకు మనుగడ సాగించడం ఒక సవాల్ గా మారుతుందని వెల్లడించారు.

భూమి ఆరోగ్యంగా ఉండాలంటే, అడవులను సంరక్షించుకోవాలని, ఊపిరితిత్తులు దెబ్బతింటే శరీరానికి ఎలా నష్టం కలుగుతుందో, అదే విధంగా అడవులు నాశనం అయితే వాతావరణ మార్పులు, వాయు కాలుష్యం, నీటి కొరత వంటి సమస్యలు ఏర్పడతాయని చెప్పారు. ఈ సందర్భం గాహైదరాబాద్ యూనివర్సిటీ విద్యార్థుల అక్రమ అరెస్టులను ముక్త ఖంఠంతో ఖండిస్తూ వారిని బేషరుతుగా విడుదల చేస్తూ వారిపైన పెట్టిన కేసులను వెంటలే ఎత్తివేయాలని ప్రభుత్వాన్ని కోరారు.

 కార్యక్రమంలో ఓరుగల్లు వైల్డ్ లైఫ్ సొసైటీ సంస్థ అధ్యక్షులు ఇందారం నాగేశ్వరరావు , సెక్రెటరీ చెల్పూరి శ్యాం సుందర్, జాయింట్ సెక్రెటరీ పిట్టల రవి బాబు, “టార్చ్” వ్యవస్థాపక అధ్యక్షులు అరవింద్ ఆర్య, వన సేవ ప్రతినిధులు పొట్లపల్లి వీరభద్రా రావు, నరేష్, పర్యావరణవేత్త రతన్ సింగ్, డాక్టర్ ప్రసాద్ ,నిమ్మ శ్రీనివాస్, నిఖిత, జేవీవీ సంస్థ ప్రతినిధి పరికిపండ్ల వేణు, కమలాకర్ స్వామి, కుమారి రాపోల్ నిఖిత, విద్యార్థి నాయకులు శరత్, రాకేష్ యాదవ్, బైరపాక ప్రశాంత్, శ్రీకాంత్ చారి, వీరస్వామి, అనిల్ తదితరులు వివిధ ఎన్జీవో సంస్థల ప్రతినిధులు పాల్గొని ఈ రౌండ్ టేబుల్ సమావేశాన్ని విజయవంతం చేశారు.

The post HCUలో 400 ఎకరాల విధ్వంసం దారుణం: పర్యావరణవేత్తలు appeared first on VEDHA NEWS.

ప్రపంచవ్యాప్తంగా పర్యావరణ వ్యవస్థలు, జీవవైవిధ్యం, స్థితిస్థాపకత కోసం సుదూర పరిణామాలతో జరిగే వాతావరణ మార్పు అనేది మన కాలపు అత్యంత ముఖ్యమైన సమస్యలలో ఒకటి. దీనిపై శాస్త్రీయ ఏకాభిప్రాయం స్పష్టంగా ఉంది. మానవ కార్యకలాపాలు, ముఖ్యంగా శిలాజ ఇంధనాల దహనం, అటవీ నిర్మూలన, వాతావరణంలోకి భారీ మొత్తంలో గ్రీన్‌హౌస్ వాయువులను విడుదల చేస్తున్నాయి, ఇది 19వ శతాబ్దం చివరి నుంచి ప్రపంచ సగటు ఉష్ణోగ్రత 1°సెంటిగ్రేడ్ కంటే ఎక్కువగా పెరిగింది.

పెరుగుతున్న ఉష్ణోగ్రతలు పర్యావరణ వ్యవస్థల సున్నితమైన సమతుల్యతను మారుస్తున్నాయి. జాతులు, వాటి పరిసరాల మధ్య సంబంధాల సంక్లిష్టమైన వలకు అంతరాయం కలిగిస్తాయి. ఇది జీవవైవిధ్యంపై తీవ్ర ప్రభావాలను కలిగి ఉంది. ఎందుకంటే అనేక జాతులు నిర్దిష్ట ఉష్ణోగ్రత పరిధులకు అనుగుణంగా ఉంటాయి. వేగంగా వేడెక్కుతున్న భూతాప ప్రపంచంలో మనుగడ లేదా వృద్ధి చెందలేవు.

పరిధుల మార్పు
పర్యావరణ వ్యవస్థలపై వాతావరణ మార్పు అత్యంత స్పష్టమైన ప్రభావాలలో ఒకటి జాతుల పంపిణీ, వలస విధానాల మార్పు. ఉష్ణోగ్రతలు పెరిగేకొద్దీ, అనేక జాతులు చల్లటి ఆవాసాల అన్వేషణలో తమ పరిధులను ధ్రువం వైపు లేదా ఎత్తైన ప్రాంతాలకు మారుస్తున్నాయి. ఇది కమ్యూనిటీ కూర్పులో మార్పులకు దారితీస్తుంది, ఎందుకంటే కొన్ని జాతులు ఇతరులకన్నా (మిగిలిన జాతులకన్నా) కొత్త పరిస్థితులకు అనుగుణంగా ఉంటాయి. ఉదాహరణకు, ఆర్కిటిక్‌లో, వేడెక్కుతున్న ఉష్ణోగ్రతలు పొదలు, చెట్లను గతంలో చెట్లు లేని టండ్రాలను వలసరాజ్యం చేయడానికి అనుమతిస్తాయి, కారిబౌ, ధ్రువ ఎలుగుబంట్లు వంటి ఐకానిక్ జాతుల నివాస, ఆహార వనరులను మారుస్తున్నాయి. అదేవిధంగా, మహాసముద్రాలలో, వేడెక్కుతున్న జలాలు పగడపు బ్లీచింగ్‌కు కారణమవుతాయి. సముద్ర జాతుల పంపిణీని మారుస్తున్నాయి, పగడపు దిబ్బ పర్యావరణ వ్యవస్థల ఆరోగ్యానికి వినాశకరమైన పరిణామాలు ఉంటాయి.

వాతావరణ మార్పు పుష్పించే, వలస, సంతానోత్పత్తి వంటి కాలానుగుణ ఘటనల సమయాన్ని కూడా మారుస్తుంది, ఇవి పర్యావరణ వ్యవస్థలపై క్యాస్కేడింగ్ ప్రభావాలను కలిగి ఉంటాయి. ఉదాహరణకు, పూర్వపు స్ప్రింగ్‌లు పరాగ సంపర్కాలు చురుకుగా ఉండే ముందు మొక్కలు వికసించేలా చేస్తాయి, విత్తనోత్పత్తిని తగ్గిస్తుంది. పర్యావరణ వ్యవస్థ స్థితిస్థాపకతను ప్రభావితం చేస్తుంది. ఈ మార్పులతో పాటు వాతావరణ మార్పు కూడా కరువులు, హీట్‌వేవ్‌లు, తుఫానుల వంటి మరింత తరచుగా..తీవ్రమైన వాతావరణ ఘటనలకు దారి తీస్తోంది. ఈ ఘటనలు పర్యావరణ వ్యవస్థలపై వినాశకరమైన ప్రభావాలను కలిగి ఉంటాయి, ఇది విస్తృతమైన మరణాలకు కారణమవుతుంది, పర్యావరణ వ్యవస్థ ప్రక్రియలను మారుస్తుంది.

అడవుల రక్షణ ముఖ్యం
పర్యావరణ వ్యవస్థలు మరియు జీవవైవిధ్యంపై వాతావరణ మార్పుల ప్రభావాలను తగ్గించడానికి అనేక మార్గాలు ఉన్నాయి. పునరుత్పాదక ఇంధన వనరులకు మార్పు ద్వారా గ్రీన్‌హౌస్ వాయు ఉద్గారాలను తగ్గించడం, ఇంధన సామర్థ్యాన్ని పెంచడం, అడవులు, చిత్తడి నేలలు వంటి సహజ కార్బన్ సింక్‌లను రక్షించడం, పునరుద్ధరించడం వంటివి వాతావరణ మార్పుల రేటును తగ్గించడంలో సహాయపడుతాయి. అదనంగా, పరిరక్షణ ప్రయత్నాలు మడ అడవులు, పగడపు దిబ్బల వంటి వాతావరణ మార్పులకు తట్టుకోగల పర్యావరణ వ్యవస్థలను రక్షించడం, పునరుద్ధరించడంపై దృష్టి సారించగలవు, ఇవి విస్తృత శ్రేణి జాతులకు ముఖ్యమైన ఆవాసాలను అందిస్తాయి. సహాయక వలసరాజ్యం, ఇది ఉద్దేశపూర్వకంగా జాతులను కొత్త ఆవాసాలకు తరలించడం, వాతావరణ మార్పులకు వ్యతిరేకంగా పోరాటంలో కూడా విలువైన సాధనంగా ఉంటుంది.

నిష్క్రియాత్మక పరిణామాలు తీవ్రమయ్యే చాన్స్
వాతావరణ మార్పు ప్రపంచవ్యాప్తంగా పర్యావరణ వ్యవస్థలు, జీవవైవిధ్యంపై తీవ్ర ప్రభావాన్ని చూపుతోంది. నిష్క్రియాత్మక పరిణామాలు తీవ్రంగా ఉంటాయి, అయితే గ్రీన్‌హౌస్ వాయు ఉద్గారాలను తగ్గించడానికి, సహజ పర్యావరణ వ్యవస్థలను రక్షించడానికి, పునరుద్ధరించడానికి కలిసి పనిచేయడం ద్వారా, వాతావరణ మార్పుల ప్రభావాలను తగ్గించడానికి..రాబోయే తరాలకు పర్యావరణ వ్యవస్థల ఆరోగ్యాన్ని మరియు స్థితిస్థాపకతను సంరక్షించడానికి సహాయం చేయవచ్చు.

వాతావరణ మార్పు వల్ల పర్యావరణంపై వినాశకర ప్రభావాలు:
– పెరుగుతున్న సముద్ర మట్టాలు, తరచుగా తీరప్రాంత వరదలు
– మరింత తీవ్రమైన, తరచుగా వేడిగాలులు, కరువులు మరియు తుఫానులు
– హిమానీనదాలు, ధ్రువ మంచు గడ్డలు కరగడం
– వర్షపాతం నమూనాలలో మార్పులు, కరువు వరదలకు దారితీస్తాయి
– జీవవైవిధ్యం కోల్పోవడం, పర్యావరణ వ్యవస్థ అంతరాయం
– ఓషన్ ఆమ్లీకరణ, పగడపు బ్లీచింగ్

వాతావరణ మార్పుల ప్రభావాలను తగ్గింపునకు మార్గాలు
– సౌర, పవన శక్తి వంటి పునరుత్పాదక ఇంధన వనరులకు మారడం
– భవనాలు, రవాణాలో ఇంధన సామర్థ్యాన్ని పెంచడం
– అడవులు, చిత్తడి నేలలు వంటి సహజ కార్బన్ సింక్‌లను రక్షించడం, పునరుద్ధరించడం
– అగ్రోఫారెస్ట్రీ, పెర్మాకల్చర్ వంటి స్థిరమైన భూ వినియోగ పద్ధతులను ప్రోత్సహించడం
– వాతావరణాన్ని తట్టుకునే మౌలిక సదుపాయాలు, పట్టణ ప్రణాళికకు మద్దతు ఇవ్వడం

ఈ ప్రపంచ సంక్షోభాన్ని పరిష్కరించడంలో వ్యక్తిగత చర్యలు, సమిష్టి ప్రయత్నాలు, విధాన మార్పులు అన్నీ ఒక వైవిధ్యాన్ని కలిగిస్తాయి. గ్రీన్‌హౌస్ వాయు ఉద్గారాలను తగ్గించడానికి , భవిష్యత్తు తరాలకు మన గ్రహం ఆరోగ్యం, స్థితిస్థాపకతను కాపాడేందుకు మనం కలిసి పని చేయాలి.

వాతావరణ మార్పు ప్రభావిత ఇతర ముఖ్య అంశాలు:
1. సామాజిక మరియు ఆర్థిక ప్రభావాలు:
– వాతావరణ వలసలు, స్థానభ్రంశం
– ఆర్థిక నష్టాలు, మౌలిక సదుపాయాలకు నష్టం
– మానవ ఆరోగ్యం, శ్రేయస్సుపై ప్రభావాలు
– హాని కలిగించే జనాభాపై అసమాన ప్రభావాలు (పేదలు, వృద్ధులు, పిల్లలు),

2. ఆహార భద్రత:
– పంట దిగుబడి, ఆహార లభ్యతలో మార్పులు
– వ్యవసాయం, మత్స్య సంపదపై ప్రభావం
– ఆహార ధరల పెరుగుదల, ఆర్థిక అస్థిరత,

3. మానవ హక్కులు:
– మానవ హక్కుల సమస్యగా వాతావరణ మార్పు
– జీవితం, ఆరోగ్యం, తగిన జీవన ప్రమాణాలకు హక్కులు
– మానవ హక్కులను ప్రభావితం చేసే స్థానభ్రంశం, వలసలు

4. వాతావరణ చట్టాలు, న్యాయం:
– వాతావరణ మార్పు ప్రభావాలు, బాధ్యతల అసమాన పంపిణీ
– చారిత్రక ఉద్గారాలు, కార్బన్ రుణం
– వాతావరణ విధానంలో వాతావరణ చట్టాల అమలు, న్యాయం, సమానత్వం,

5. అనుసరణ, స్థితిస్థాపకత:
– పర్యావరణ వ్యవస్థలు, మానవ వ్యవస్థలలో స్థితిస్థాపకతను నిర్మించడం
– వాతావరణ మార్పు అనుసరణ వ్యూహాలు, సాంకేతికతలు
– డిజాస్టర్ రిస్క్ తగ్గింపు, నిర్వహణ,

6. వాతావరణ మార్పు తగ్గింపు:
– గ్రీన్‌హౌస్ వాయు ఉద్గారాలను తగ్గించడం
– పునరుత్పాదక ఇంధన వనరులకు మారడం
– కార్బన్ సంగ్రహణ మరియు నిల్వ

7. అంతర్జాతీయ సహకారం:
– గ్లోబల్ ఒప్పందాలు, ఫ్రేమ్‌వర్క్‌లు (పారిస్ ఒప్పందం, యూఎన్ఎఫ్ సీసీసీ)
– అంతర్జాతీయ వాతావరణ చర్చలు, దౌత్యం
– వాతావరణ సహకారం, భాగస్వామ్యాలు,

8. వాతావరణ మార్పు, జీవవైవిధ్యం:
– పర్యావరణ వ్యవస్థలు, జాతులపై ప్రభావాలు
– జీవవైవిధ్యం, పర్యావరణ వ్యవస్థ సేవలను కోల్పోవడం
– వాతావరణ మార్పు, పరిరక్షణ ప్రయత్నాలు

9. వాతావరణ మార్పు, నీరు:
– అవపాతం, నీటి లభ్యతలో మార్పులు
– నీటి వనరులు, నిర్వహణపై ప్రభావాలు
– నీటి కొరత, భద్రత

10. వాతావరణ మార్పు, మానవ నివాసాలు:
– పట్టణ, గ్రామీణ ప్రాంతాలపై ప్రభావం
– వాతావరణ మార్పు మరియు పట్టణ ప్రణాళిక
– స్థిరమైన మరియు స్థిరమైన మౌలిక సదుపాయాల అభివృద్ధి

వాతావరణ మార్పునకు ఈ అంశాలు పరస్పరం అనుసంధానించబడి ఉంటాయి. సంక్షోభాన్ని పరిష్కరించడానికి సమగ్రమైన, బహుముఖ విధానం అవసరం.
నిష్క్రియాత్మకత విపత్కర పరిణామాలను నివారించడానికి మనం ఇప్పుడు చర్య తీసుకోవాలి. మన గ్రహం భవిష్యత్తు, మానవ శ్రేయస్సు దానిపై ఆధారపడి ఉంటుంది.
‘‘భూమాత రక్షణలో మనం తీసుకునే ప్రతి చిన్న చర్య ముఖ్యమైనది!’’

– రవిబాబు పిట్టల, ఎంఎస్సీ, ఎంటెక్(పీహెచ్‌డీ), పర్యావరణవేత్త, హైదరాబాద్.

The post పర్యావరణ రక్షణకు తీసుకోవాల్సిన చర్యలు appeared first on VEDHA NEWS.