మానసిక సమస్యలతో వివాహిత ఆత్మహత్య

– ఫ్యాన్‌కు ఉరివేసుకుని (28)ఏళ్ల మహిళ బలి

వేద న్యూస్,ఇల్లంతకుంట:

రాజన్న సిరిసిల్ల జిల్లా ​ఇల్లంతకుంట మండలం అనంతారం గ్రామంలో విషాదం నెలకొంది.గత కొంతకాలంగా మానసిక సమస్యలతో చికిత్స పొందుతున్న ఒక వివాహిత మహిళ తన ఇంట్లోనే ఉరివేసుకుని ఆత్మహత్య చేసుకుంది.​గ్రామానికి చెందిన కుమ్మరవేణి లత (28), భర్త నాగరాజు. లత కొంతకాలంగా మానసిక రుగ్మతతో బాధపడుతున్నట్లు కుటుంబ సభ్యులు తెలిపారు.ఇంట్లో ఎవరూ లేని సమయంలో లత తాడుతో ఫ్యాన్‌కు ఉరివేసుకుని ఆత్మహత్యకు పాల్పడింది.​ఈ సంఘటనపై మృతురాలి తల్లి, పసుపుల లక్ష్మి, పోలీసులకు ఫిర్యాదు చేశారు.వారి ఫిర్యాదు మేరకు ఎస్సై సిరిసిల్ల అశోక్ కేసు నమోదు చేసుకొని దర్యాప్తు ప్రారంభించారు.మృతురాలు లతకు ఐదు (5) సంవత్సరాల వయస్సు గల ఒక కుమారుడు ఉన్నాడని ధృవీకరించారు.